InicioSociedadeAdxudicada pola Deputación a compra de dúas máquinas compactadoras para a mellora...

Adxudicada pola Deputación a compra de dúas máquinas compactadoras para a mellora de estradas provinciais

Así o avanzou a portavoz socialista do goberno da Deputación, Pilar García Porto, quen detallou que o contrato suporá un custo de case 2.000 euros para a adquisición destes equipos, máis outros 1.500 para a retirada doutras dúas máquinas.

PUBLICADA O

- Advertisement -

A xunta de goberno da Deputación de Lugo aprobou este venres a adxudicación dun contrato de compra de dúas máquinas compactadoras, que se ocuparán “do mantemento e mellora das vías provinciais”.

Así o avanzou a portavoz socialista do goberno da Deputación, Pilar García Porto, quen detallou que o contrato suporá un custo de case 2.000 euros para a adquisición destes equipos, máis outros 1.500 para a retirada doutras dúas máquinas.

“Esta nova maquinaria vai servir para dar un mellor servizo nas obras en estradas, vainos a servir para acelerar o proceso de compactación na terra grazas aos diferentes rodetes que levan incorporados“, puntualizou.

Ademais, a xunta de goberno acordou, na reunión semanal do goberno provincial, outro tres contratos: máis de 25.100 euros para a adquisición dun grupo electrógeno para dar cobertura á granxa Gayoso Castro; máis de 43.500 euros para fornecer pneumáticos aos vehículos do parque móbil e da granxa Gayoso Castro; e saída a licitación a subministración de mobiliario de diferentes servizos da Deputación por importe de 91.960 euros.

“Este último contrato trátase de mesas, librarías, armarios, cadeiras, paragüeros, taboleiros ou lámpadas de mesa que se entregarán na totalidade de servizos desta casa, a fin de renovar o mobiliario e cumpra coa normativa de prevención”, enumerou a deputada provincial.

Así mesmo, García Porto concluíu que tamén “se aprobou a prórroga a Tragsa por un período de tres meses”, así como un importe de 231.000 euros para o servizo de limpeza dos distintos edificios e dependencias da institución provincial.

ÚLTIMAS

Amancio Prada volve a Lugo 16 anos depois

Amancio Prada volve a Lugo 16 anos despois do seu último concerto nesta cidade....

Piden a absolución dun mozo de Vilalba acusado de violar á súa ex parella menor de idade

A sección segunda da Audiencia Provincial de Lugo acolleu este martes a celebración do...

Denuncian unha agresión a unha menor durante unha manifestación en Lugo por levar unha bandeira saharauí

Comunidade Saharauí en Galiza presentou unha denuncia pola agresión sufrida por unha menor saharui durante unha...

Unha certificación turística permitirá protexer o ceo nocturno dos Ancares

O deputado de Medio Ambiente, Carlos López, recibiu este luns na Casa do Concello...