InicioLugo e contornaLugoOs xulgados máis "saturados" do Galicia están en Lugo, segundo un sindicato

Os xulgados máis “saturados” do Galicia están en Lugo, segundo un sindicato

Alternativa na Xustiza CUP ve "imprescindibles" os reforzos nos xulgados do Penal.

PUBLICADA O

- Advertisement -

Os dous xulgados do Penal de Lugo son os que máis “carga de traballo” soportan de Galicia, segundo denunciou este martes en rolda de prensa Paulo Balado do sindicato Alternativa na Xustiza CUP. O sindicalista, rodeado de traballadores do xulgado número 1 e número 2, chegou a describir a situación de ambos de “dantesca”, á vez que lamentou que tamén é “mala” no resto de xulgados de Galicia.

Balado apelou a que en función de varios “parámetros, en canto a procedementos abreviados no número 1 de Lugo hai 782 procedementos abreviados, e na Coruña son 66, en Vigo 98, en Pontevedra 154, no penal dous de Ourense 292, é dicir que o peor deles está tres veces por baixo da carga de traballo que ten calquera dos xulgados de Lugo”.

Xa “se se vai á medición do Consello Xeral do Poder Xudicial, que se chaman módulos, di que o máximo que se pode ter de procedementos son 400, e si facemos unha extrapolación de datos deste ano o Penal número uno de Lugo concluirá o ano con 788 procedementos e o dous con 800”, detallou. “Con todo Coruña concluirá con 330, Penal un de Vigo 448 ou Penal un de Pontevedra 378. Os números alcanzan un volume brutal nos penais de Lugo”, condenou.

REFORZOS

Por parte deste sindicato reivindicaron que “é imprescindible que se poñan reforzos nos xulgados do Penal ou que se poñan medidas de reforzo porque os compañeiros teñen que facer moitas horas pola tarde e que esas horas estean recoñecidas”.

Outra cuestión que demandan “é un xuíz de adscrición territorial, que veña a reforzar os xulgados e podería sacar a tendencia de sentenzas xudiciais e de execucións”. “O que levan os xuíces do 1 e do 2 de Lugo, aínda que lle dedicarán todo o día sería imposible”, denunciou. Finalmente, Balado reclamou un novo xulgado do Penal, que sería o “número tres” e valora que esa é a petición que se ten que trasladar desde Galicia ao Consello Xeral do Poder Xudicial.

ÚLTIMAS

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...

Remite o temporal que deixa moita neve, inundacións e estradas cortadas en Lugo

Os efectos do temporal remitiron nas últimas horas en Galicia, cun descenso no volume de precipitacións...

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...