InicioLugo e contornaLugoCheché Real: "ata que deixen traballar á hostalaría ao 100% non imos...

Cheché Real: “ata que deixen traballar á hostalaría ao 100% non imos estar contentos”

O presidente da Confederación de Empresarios de Hostalaría de Galicia reclama recuperar o aforamento completo tamén no lecer nocturno.

PUBLICADA O

- Advertisement -

Os hostaleiros galegos reivindican volver traballar ao cento por cento das súas licenzas, tamén no lecer nocturno, á espera de que a partir do próximo sábado se relaxen as restricións e a Xunta decrete a fin da emerxencia sanitaria. O presidente da Confederación de Empresarios de Hostalaría de Galicia, o lucense Cheché Real, deixa claro que: “Nós ata que non consigamos o cento por cento e a normalidade absoluta non imos estar satisfeitos”.

“Agora mesmo a incidencia hospitalaria e de contaxios é mínima. Sabemos que temos que andar con coidado, pero témonos que adaptar como noutras circunstancias e facémolo, así sabemos que nas operacións retorno ou saída vanse a producir accidentes e mortes, pero non por iso restrínxese ningún movemento”, ilustrou.

O tamén presidente da Asociación Provincial de Empresarios de Hostalaría de Lugo incidiu en que con “estas circunstancias sanitarias e hospitalarias deberíase conseguir o cento por cento dos espazos e aforamentos, como así o permiten as licenzas”.

Cheché Real avogou “pola responsabilidade individual”. “Sabemos que hai un virus como hai outros, e agora coas vacinas, que estamos practicamente o 90 por cen da poboación vacinada, temos que coidarnos de non contaxiarnos e facer vida normal”. “Non pode seguir pagando o sector da hostalaría a base de restricións e limitacións nos nosos negocios”, agarega.

“Ata que alcancemos o cento por cento de poder traballar, como permiten as nosas licenzas, non imos estar contentos”, incidiu. Nesta liña, Real concretou que están “pendentes” dunha reunión esta semana coa Xunta “para falar destes temas”, pois “sempre son benvidos” alivios das restricións “despois de dous anos de limitacións e peches”.

Please wait while you are redirected...or Click Here if you do not want to wait.

ÚLTIMAS

O BNG insta o Senado a rexeitar o proxecto de Altri tras o “clamor social” manifestado en Palas de Rei

A senadora do BNG, Carme da Silva, defenderá esta semana unha moción no pleno da Cámara...

Tres feridos nun accidente entre un turismo e un camión en Vilalba

Tres persoas resultaron feridas este luns nun accidente de tráfico rexistrado na autovía A-8...

Paula Alvarellos reactiva os contactos co IGVS sobre os proxectos de Casa Torre, Dona Urraca e O Castiñeiro

A alcaldesa de Lugo, Paula Alvarellos, retomou as conversacións co Instituto Galego de Vivenda e Solo para avanzar...

Destinaranse tres millóns de euros ó proxecto de reforma do estadio Anxo Carro

A Xunta de Galicia espera licitar en xaneiro de 2025 a obra de reforma...