O tráfico ferroviario de viaxeiros entre Monforte de Lemos e Lugo verase interrompido os días 25 e 26 de setembro, e 23 e 24 de outubro debido ás obras de mellora emprendidas polo Administrador de Infraestruturas Ferroviarias (ADIF) neste corredor.
Nun comunicado, Adif destacou que Renfe estableceu plans alternativos de transporte por estrada para os viaxeiros dos servizos afectados.
Durante os mencionados días, o ente estatal acometerá durante actuacións en infraestrutura –obras de drenaxe, pasos superiores, noiros de trincheiras e túneles– e vía para permitir a electrificación do tramo entre Monforte de Lemos e Lugo Mercadorías, de 75 km de lonxitude.
Adif explicou que as actuacións de mellora do tramo Ourense-Monforte de Lemos-Lugo teñen como obxectivo “cumprir os compromisos do administrador coa mellora das condicións de explotación comercial do traxecto, en parámetros tales como a fiabilidade, o confort e os tempos de viaxe”.
