InicioLugo e contornaLugoPiden seis anos para o home acusado de tentar matar ao seu...

Piden seis anos para o home acusado de tentar matar ao seu copiloto por non darlle diñeiro

Chegou a acoitelalo en varios puntos do peito.

PUBLICADA O

- Advertisement -

A Fiscalía pide seis anos de cárcere para un home acusado de homicidio en grao de tentativa por tentar matar ao seu copiloto cun coitelo de cociña por non entregarlle o diñeiro que gardaba na chaqueta. O caso será xulgado o xoves 22 a partir das 10,30 horas na Audiencia Provincial de Lugo e procede do Xulgado de Instrución número 3 desta cidade.

En concreto, o fiscal relata como, en marzo de 2020, o acusado apuñalou ao seu acompañante no vehículo á altura do xeonllo mentres lle esixía a entrega do diñeiro que gardaba na chaqueta. “Ante a negativa deste a darllo, sen previo aviso e coa intención de terminar coa súa vida ou polo menos asumindo as evidentes consecuencias negativas para a integridade física da vítima que a súa acción ía orixinar, asestoulle varias puñaladas na zona lumbar, tórax e costado”, expón.

As lesións que lle provocou, que describe o escrito do Ministerio Público, “teríanlle provocado a morte de non recibir asistencia médica urxente”, advirte. O acusado está diagnosticado de trastorno por déficit de atención e trastorno límite da personalidade de tipo impulsivo e no momento dos feitos tiña afectada a súa capacidade volitiva, aínda que non anulada.

Por auto de data 16 de marzo de 2020 acordouse a prisión provisional do acusado, situación que se mantén na actualidade.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...