InicioPolíticaAprobado por unanimidade o Plan Único da Deputación de Lugo para 2021,...

Aprobado por unanimidade o Plan Único da Deputación de Lugo para 2021, cun orzamento de máis de 20 millóns

O plan sufragará, principalmente, obras, accións en emprego, axuda no fogar e medidas anticovid

PUBLICADA O

- Advertisement -

O Plan Único da Deputación de Lugo, o conxunto de investimentos que se destinan aos 67 concellos da provincia, foi aprobado este martes coa unanimidade do pleno provincial. Dotado con case 24 millóns de euros, a partida financiará principalmente obras, accións os sectores do emprego e a axuda no fogar.

Tal e como informou a institución provincial, 21,5 millóns de euros do total do Plan Único son achegados pola Deputación de Lugo, unha cifra que alcanza os 24 millóns de euros “grazas ás contribucións dos municipios”, abundou.

O plan foi referendado cos 13 votos do goberno, 10 de socialistas e 3 de nacionalistas, máis os 12 do grupo do PP, aínda que “con algunhas pegas”, segundo esgrimiu o portavoz do Partido Popular, Javier Castiñeira.

Por parte das filas do partido popular xa sostiveran antes do pleno que ían apoiar a proposta do goberno provincial, en base a que representan “a 32 alcaldes, que fixeron o seu traballo e que o que queren é que canto antes se poidan pór eses fondos á súa disposición”, pero Castiñeira matizou que “non é o plan que prometeu o Goberno”. “Na investidura dixo que ía subir un 25 por cento e que mellor momento que facelo nun ano como este. De todos os xeitos, entendemos que por responsabilidade debemos votar a favor porque cremos que é importante”, resolveu o portavoz dos populares.

O 70% DA PARTIDA A OBRAS E SUBMINISTRACIÓNS

O presidente provincial, o socialista José Tomé, destacou que o plan serve “para apoiar aos concellos en todas aquelas materias que son da súa competencia” e que é “a primeira vez que se aproba no ano anterior á entrada en vigor, para facilitar que se aprobe canto antes, co fin de que os concellos teñan máis tempo para desenvolver ese Plan Único e que as obras as poidan facer este ano ou o ano que vén”.

A vicepresidenta da Deputación, a nacionalista Maite Ferreiro, tamén resaltou que devandito plan “leva a pleno moito máis pronto que outros anos”. “E logramos o compromiso cos concellos de facer unha repartición equitativa dependendo da poboación e da superficie” de cada concello, engadiu.

Da partida, como acordaron as entidades locais, 15,2 millóns de euros –o 70% do plan– destinaranse a investimentos para acometer 332 obras e subministracións. Algunhas das actuacións contempladas son a renovación de pavimentos en estradas, pistas e camiños municipais, a mellora da iluminación pública, e a realización de plans de ordenación do tráfico e o estacionamento, entre outras.

MEDIDAS ANTICOVID E PROMOCIÓN TURÍSTICA

A loita contra o coronavirus tamén aparece incluída nas actuacións propostas para o plan provincial de 2021. Uns 800.000 euros destinaranse a medidas sociais e económicas para paliar o impacto da Covid-19. Neste sentido, as accións centraranse na compra de material de protección ou na concesión de axudas directas a autónomos e empresas.

Doutra banda, e amparados polo Plan Único, os concellos tamén traballarán actividades ou eventos de promoción turística, aos que se destinarán 126.540 euros, e no financiamento das unidades de Protección Civil con 14.500 euros que se destinarán a gastos correntes.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...