O Servizo Galego de Saúde (Sergas) iniciou este martes 23 de febreiro o proceso de vacinación aos docentes. Está previsto que nesta primeira xornada xa reciban a inxección uns 750 profesores nos tres hospitais da provincia, aínda que en total estarán citados uns 4.000 docentes de Educación infantil, Primaria e Secundaria.

Serán convocados aqueles profesores e profesoras que teñan menos de 55 anos para recibir a vacina de AstraZeneca. En Lugo, as doses comezaron a aplicarse no Hospital Universitario Lucus Augusti (HULA).