InicioEconomíaLugo concentrou 2 de cada 3 irregularidades laborais detectadas en Galicia dende...

Lugo concentrou 2 de cada 3 irregularidades laborais detectadas en Galicia dende o comezo da pandemia

A provincia foi escenario de 56 das 78 irregularidades detectadas polo SEPE en Galicia.

PUBLICADA O

- Advertisement -

A declaración do estado de alarma tras o estalido da pandemia de coronavirus en marzo de 2020 provocou unha caída do 78% nas irregularidades detectadas polo servizo público de emprego de Galicia, segundo datos da administración autonómica aos que tivo acceso Europa Press, uns datos que dan conta dunha acusada caída pero tamén dunha concentración na provincia de Lugo.

En concreto, os expedientes iniciados en relación co procedemento de demanda de emprego alcanzaron os 690 durante o ano 2020. O estado de alarma significou unha baixada “notable”, segundo destacan fontes da Consellería de Emprego consultadas por Europa Press, xa que as irregularidades detectadas pasaron de 612 ata o 13 de marzo de 2020 ás 78 contabilizadas a partir desa data, o que supón ese descenso do 78,2%. Isto supón que case o 89% dos expedientes, eses 612 dos 690, deron comezo neses primeiros setenta días do ano, antes da crise sanitaria da covid.

Por provincias, antes do 13 de marzo de 2020, os expedientes concentráronse na Coruña, con 305. Seguíronlle Pontevedra e Lugo, con datos parellos (130 e 121, respectivamente) e máis de lonxe Ourense situouse con 56. Despois desa data, o servizo público de emprego detectou 51 irregularidades en Lugo, máis que nas outras tres provincias xuntas: 13 A Coruña, 10 Ourense e catro en Pontevedra.

RENOVACIÓN AUTOMÁTICA

A que se debeu esta caída desde o 13 de marzo? A que a causa máis habitual para iniciar estes procedementos é o non mantemento da inscrición como demandante de emprego dos usuarios das oficinas de emprego (en torno ao 98% dos casos, segundo a consellería), pero a Xunta habilitou a súa renovación automática coa declaración do estado de alarma.

A renovación é necesaria para acreditar a condición das persoas como demandantes de emprego, requisito imprescindible para percibir as prestacións por desemprego. Desde xaneiro retomouse o procedemento normalizado nas 54 oficinas de emprego da Xunta, aínda que o servizo público de emprego en Galicia está a impulsar que se faga por medios non presenciais, para cumprir coas medidas de protección anticovid.

Outros motivos apuntados nos expedientes son o de non comparecer a requirimento do servizo público de emprego, o rexeitamento a participar en accións de promoción, formación, reconversión profesional, programas de emprego ou traballos de colaboración e o rexeitamento (este moi residual) da oferta de emprego adecuada.

ÚLTIMAS

Tomé, en reunións con Altri e Ulloa Viva: “Fibras téxtiles si, celulosa non”

O presidente da Deputación de Lugo, José Tomé (PSdeG-PSOE), mantivo este martes dúas reunións con...

Collidos mentres “puenteban” o contador eléctrico dunha vivenda

Axentes da Policía Local de Lugo identificaron a dúas persoas por manipular os cables de...

Reunión de Altri con empresas forestais de Lugo para presentarlles o proxecto de Palas de Rei

Representantes de Greenfiber, formada pola enerxética Greenalia e a multinacional lusa Altri, reuníronse coa...

Dúas persoas faleceron tras chocar a súa furgoneta cun camión de cereal en Begonte

Dúas persoas faleceron este martes en Begonte ao chocar a furgoneta na que viaxaban cun...