InicioMovementos sociaisReclaman ante o Concello de Lugo polo "deficiente" servizo da Casa da...

Reclaman ante o Concello de Lugo polo “deficiente” servizo da Casa da Muller

A irmá da muller asasinada en Becerreá no 2016 a mans do seu marido lembrou que a vítima tivera que agardar 22 días para unha consulta porque "unha traballadora estaba de baixa e outra de vacacións".

PUBLICADA O

- Advertisement -

A irmá de Ana Gómez, asasinada pola súa parella en febreiro de 2016 en Becerreá, anunciou a presentación dunha reclamación ao Concello de Lugo para a “incoación de expediente de responsabilidade patrimonial da administración e queixa por deficiente funcionamento dos servizos” debido ao trato recibido na Casa da Muller.

Así o asegurou nunha rolda de prensa xunto á Plataforma Feminista. Segundo lembraron na comparecencia, o 11 de febreiro de 2016 a vítima acudira pola mañá á Casa da Muller de Lugo. Pola tarde, a parella desta, coñecido como ‘O Chamaco’ e condenado a 23 anos de prisión, disparoulle dous tiros diante dos fillos de Ana Gómez.

“UNHA CORTINA DE FUME”

Agora Martina Gómez denuncia que “a realidade é que a Casa da Muller non é máis que unha cortina de fume empregada polo executivo lucense para silenciar as críticas de ineficacia respecto á violencia de xénero, condenando as vítimas á desidia e desesperación”.

Así, con esta reclamación presentada no rexistro do Concello o pasado 29 de outubro, pide que o Viogen, aprobado en outubro de 2019, se poña en marcha “de forma inmediata e que se dote dos recursos necesarios”..

Á súa vez esixiu que “o asesoramento sexa prestado por persoal especializado e que as futuras vítimas de violencia de xénero teñan garantida unha atención inmediata”. Neste sentido, cre “imprescindible que a Casa da Muller teña de garda permanente un profesional da avogacía e unha psicóloga e que sexan substituídas sen excepción as baixas laborais e as vacacións”.

Ademais, reclama que “as subvencións que percibe a Casa da Muller se revirtan integramente en asegurar os Servizos de Asistencia a Vítimas de violencia no alto risco, sen ser derivadas en ningún caso a organismos externos”.

ATRASO

Martina Gómez lembrou o caso de súa irmá, que tivo que esperar “22 días” para unha consulta sobre unha situación de malos tratos. A xustificación que lle deran foi que “unha traballadora estaba de baixa e outra de vacacións”.

“O que se pretende é que ningunha muller poida quedar desamparada. Non estariamos aquí se no seu día pedisen perdón, pero non o fixeron porque seguiron tapando todos os fallos”, lamentou, entre bágoas, ao lembrar á súa irmá falecida.

ÚLTIMAS

Amancio Prada volve a Lugo 16 anos depois

Amancio Prada volve a Lugo 16 anos despois do seu último concerto nesta cidade....

Piden a absolución dun mozo de Vilalba acusado de violar á súa ex parella menor de idade

A sección segunda da Audiencia Provincial de Lugo acolleu este martes a celebración do...

Denuncian unha agresión a unha menor durante unha manifestación en Lugo por levar unha bandeira saharauí

Comunidade Saharauí en Galiza presentou unha denuncia pola agresión sufrida por unha menor saharui durante unha...

Unha certificación turística permitirá protexer o ceo nocturno dos Ancares

O deputado de Medio Ambiente, Carlos López, recibiu este luns na Casa do Concello...