InicioMedioambiente e PatrimonioLugo presume de románico

Lugo presume de románico

Intégrase na asociación de rutas europeas sobre o Románico, ao que se suman dez igrexas de Ribeira Sacra

PUBLICADA O

- Advertisement -

A Deputación de Lugo entrou a formar parte da Asociación Ruta Transrománica, recoñecida pola Unión Europea e que, a partir de agora, contará con dez igrexas románicas doutros tantos concellos da Ribeira Sacra.

O presidente da Deputación, José Tomé, compareceu este xoves acompañado da deputada de Turismo, Pilar García Porto, para anunciar a incorporación a estes “itinerarios culturais” dentro da asociación recoñecida polo Consello de Europa e que comprende doce rexións da UE de nove países.

Tomé lembrou que a inclusión de Lugo nesta ruta é un compromiso que lanzara hai tempo e que que “hoxe está cumprido” coa incorporación de Lugo nunha asociación que “sitúa o románico da Ribeira Sacra e da provincia no máis alto nivel de recoñecemento e de visibilidade en Europa”.

“Isto contribuirá sen dúbida á promoción turística da provincia de Lugo nuns momentos de tantas dificultades para o sector debido á pandemia”, subliñou.

A entrada na rede de itinerarios románicos servirá para a promoción dun “turismo de calidade”, de “experiencias”, “respectuoso coa paisaxe” e que servirá para “pór en valor” a “riqueza monumental” de Lugo, que pretende situarse como un destino afastado do turismo “estacional e masificado”.

APOIO Á CANDIDATURA A PATRIMONIO MUNDIAL

Ademais, o presidente provincial considera que este ingreso “supón un importante apoio á candidatura da Ribeira Sacra para Patrimonio da Humanidade”, ademais de constituír “un reclamo máis para a promoción do Camiño de Inverno de cara ao Xacobeo do ano que vén”.

A candidatura que se presentou, segundo explicou Tomé, consta de dez igrexas situadas noutros tantos municipios da Ribeira Sacra, “para asegurar a maior representación posible do territorio”.

As igrexas son: o Mosteiro do Divino Salvador –Ferreira de Pantón–, a Igrexa de San Xoán –Carballedo–, Santa María de Nogueira –Chantada–, San Pedro de Ribas Altas –Monforte–, San Facundo de Ribas do Miño –Paradela–, San Nicolás –Portomarín–, Santa María de Ribas do Sil, Santo Estevo de Ribas do Miño –O Saviñao–, Santa María de Proendes –Sober– e Santa María –Taboada–.

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...