InicioLugo e contornaCríticas por obrigar a alumnos de Portomarín a ir ás clases en...

Críticas por obrigar a alumnos de Portomarín a ir ás clases en Lugo e entrar ás 15.00 horas e saír ás 21.30 pola Covid

As familias non descartan iniciar mobilizacións porque din que non teñen transporte para ir a Lugo.

PUBLICADA O

- Advertisement -

Pais de alumnos de BAC de Portomarín protestan por non dispor de transporte para os seus fillos que se teñen que trasladar a Lugo, ao IES A Nosa Señora dos Ollos Grandes, con clases que se impartirán pola tarde noite.

Unha das nais, que se erixiu en portavoz, Lorena Platas Vázquez, puntualizou que “teñen o colexio concertado no IES A Nosa Señora dos Ollos Grandes que co tema da Covid desdobraron as quendas e tócalles pola tarde, coma se fose o nocturno”, afeou.

Así este seis estudantes entrarían “o luns ás seis da tarde e saen ás 9.35 da noite e de martes a venres entran ás tres e saen ás 9.20 da noite”. Por ios, censurou que con estes horarios “non hai ningunha liña de transporte” que poida “levalos e permita tamén recollelos, xa que a primeira liña que vai a Lugo sae de Portomarín ás tres menos cuarto e vén chegando a Lugo ás tres e vinte e cinco e entón perderían 25 minutos de clase ou senón teñen que marchar ás nove da mañá”.

Xa á volta, esta nai constata que o último bus “que vén de Lugo sae ás oito menos cuarto da tarde”. Lorena Platas sinalou que se puxeron en contacto “coa Xunta, co Concello (Portomarín) e a Deputación”, que ela mesma estivo a facer “xestións” e estivo a chamar “a todo o mundo por teléfono e pásanse a pelota uns a outros e non arranxas nada porque o curso comeza o luns 28, e de momento non temos ningunha solución”, sinalou.

Finalmente non descarta emprender mobilizacións, se non se dá solución a este problema do transporte. Pola súa banda, o novo delegado da Xunta a provincia luguesa, Javier Arias, precisou, a través dunha nota de prensa, que “12.946 estudantes da provincia de Lugo comezarán a partir deste mércores, 23 de setembro, e de forma gradual as clases de Educación Secundaria, Bacharelato e ensinos de réxime especial”. En cifras globais son 9.400 de alumnado de ESO e 3.500 de Bacharelato.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...