InicioLugo e contornaLugoOs mozos de Lugo xa poden decidir que actividades lles ofrece o...

Os mozos de Lugo xa poden decidir que actividades lles ofrece o Concello

A iniciativa está aberta ós mozos de entre 14 e 35 anos.

PUBLICADA O

- Advertisement -

Este Día da Xuventude, os mozos deciden. O Concello de Lugo vén de anunciar que, con motivo desta celebración, abrirá unha enquisa para que os mozos do Concello poidan expresar que actividades lle gustaría que o Concello lles brindara. Así o fixo público a Concellería de Muller, Igualdade e Xuventude, dende onde explicaron que a iniciativa está dirixida aos mozos e mozos de 14 a 35, que poderán deixar por escrito as súas preferencias na páxina de Facebook de Xuventude, nos comentarios do post correspondente á iniciativa.

Segundo destacan dende a área de xuventude, medida xorde coa finalidade de “coñecer as propostas en actividades formativas ou de lecer” por parte dos mozos para “desenvolver un programa que se axuste aos gustos da poboación máis nova”. Deste xeito, e segundo indican dende o consistorio, no post de Facebook pódese indicar o tipo de obradoiros ou talleres formativos, visitas, rutas e outras actividades que poderían ser organizadas dende o Concello de Lugo, en cumprimento coas inquietudes dos mozos e mozas. O prazo, destacan, finalizará nun mes.

CCOO PIDE “FUTURO” PARA A MOCIDADE

Aproveitando tamén o día internacional da xuventude, CCOO fixo fincapé na necesidade de garantir “un futuro” para as xeracións máis mozas de Galicia fronte ás “incertezas, tanto sanitarias como económicas” que caracterizan o momento actual. Máxime, indican, cando nestas circunstancias “a mocidade e as mulleres son os colectivos que máis están a sufrir as consecuencias da pandemia”, tal e como dan proba unhas “condicións de traballo moi precarizadas que tiñan xa de antes e que se agravaron”.

Por esta razón, dende a formación sindical apuntan que agora é o momento de “incorporar a mocidade como suxeito propio nos debates de Estado, nos pactos de reconstrución e en todos os espazos”. Para enfrontar esta situación, destacan a necesidade de medidas concretas, “asentar industria no país”, investir nas universidades e reformular a FP dual para “garantir” un “emprego de calidade”.

ÚLTIMAS

Candia esixe ao goberno de Lugo que actúe ante os conflitos que se orixinan nos locais do lecer da rúa Tui

O barrio da Milagrosa de Lugo rexistrou esta fin de semana un novo incidente...

Detido en Lugo un home que quedou cunha menor de idade a través dunha aplicación de citas

A Policía Nacional detivo en Lugo a un home que foi sorprendido o pasado día 3...

Identificados catro almerienses por presuntamente estafar 4.500 a un empresario lucense por Internet

A Garda Civil de Lugo identificou a catro veciños de Almería por supostamente estafar 4.500 euros...

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...