A área sanitaria de Lugo rexistra un novo descenso no cómputo total de casos activos por coronavirus. Segundo a Consellería de Sanidade, este sábado 6 de xuño cóntanse 33 positivos, catro menos ca no día de onte.

Volve haber cambios nos hospitais, ao reducirse o número de persoas ingresadas no HULA. Os datos oficiais amosaban onte dúas hospitalizacións en planta, pero hoxe Sanidade volve informar dun único paciente ingresado.  Outras 32 persoas (-3) están a recibir atención hospitalaria a domicilio.

Por outra parte, a pandemia deixou 28 mortes en Lugo ata o momento, mentres que as curacións soben ata as 896.

GALICIA

Na comunidade galega, o Sergas informa de 542 casos, o que supón unha baixada de 21 respecto dos rexistrados o pasado venres. Só unha persoa afectada pola COVID-19 permanece na UCI e 26 están hospitalizadas en planta.

Galicia rexistrou 618 falecementos relacionados co coronavirus e un total de 10.221 persoas recuperadas.