O Exército de Terra, a través do seu Mando Compoñente Terrestre, dentro da ‘Operación Balmis’ no marco da crise sanitaria da COVID-19, despregará este venres, día 1 de maio, unidades da Brilat para realizar labores de desinfección en varias residencias e centros asistenciais das provincias de Lugo e Ourense.

Segundo explicou a Brilat, os equipos de descontaminación NBQ (Nuclear, Bacteriolóxico, Químico) van realizar labores de desinfección no Centro de Menores Santo Anxo de Rábade (Lugo) e na residencia de maiores Domus V de Monforte (Lugo).

Ademais, na cidade de Ourense realizarán este tipo de accións nas residencias Divino Maestro, Galisenior e Nuestra Señora de la Esperanza. Tamén desinfectarán a residencia de Muiños (Ourense), e a Residencia Nosa Señora dos Anxos de Ribadavia (Ourense).