O presidente da Asociación de Empresarios de Hostalería de Lugo e membro do comité executivo do sector a nivel nacional, Cheché Real, propuxo que o Goberno “pospoña os pagos á Seguridade Social” pola crise do coronovirus.
Así, tamén reclama “medidas laborais para protexer o emprego e medidas administrativas, que pasarían por implementar instrumentos financeiros para garantir os empregos das empresas. “Solicítase ao Goberno que detalle a operativa que se debe de levar a cabo, actuacións contra a crise, como activar medidas á reactivación da demanda cando finalice esta crise”, debullou.
OS EFECTOS XA SE NOTAN NO SECTOR
Real asegurou que no sector da hostalería e hospedería en Lugo “xa se empeza” a notar a crise, “porque xa hai cancelacións tanto en restaurantes como en aloxamentos”. “Isto causa sorpresa e problemas económicos e, cada vez van ser máis, ata que chegue ao pico e se estabilice para empezar a baixar”, presaxiou.
