InicioMedioambiente e PatrimonioA CHMS investiu máis dun millón de euros en limpeza e restauración...

A CHMS investiu máis dun millón de euros en limpeza e restauración dos ríos de Lugo en 2019

O presidente da Confederación destacou que foi un ano de moito traballo debido ás fortes choivas.

PUBLICADA O

- Advertisement -

A Confederación Hidrográfica do Miño-Sil (CHMS), organismo autónomo dependente do Ministerio para a Transición Ecolóxica e para o Reto Demográfico, investiu 1.104.960 euros en actuacións de conservación do Dominio Público Hidráulico na provincia de Lugo, executadas durante o ano 2019.

Segundo informou a CHMS nun comunicado, a través das actuacións executadas “conseguiuse mellorar o funcionamento natural do río, amortecendo o efecto dos procesos hidrolóxicos e aumentando a súa heteroxeneidade e grao de naturalidade”.

Os traballos realizados enmárcanse en dous contratos que o organismo de conca programou para levar a cabo o acondicionamento, conservación, restauración hidrolóxico-forestal e mellora da conectividade de canles da conca Miño-Sil na provincia de Lugo.

DANOS PRODUCIDOS POLAS FORTES CHOIVAS

“As actuacións de conservación, restauración e rehabilitación do dominio público hidráulico sempre son necesarias e imprescindibles para o bo estado das nosas canles fluviais, aínda que este ano moito máis, pois as intensas choivas provocaron un importante incremento do caudal dos ríos, con chans incapaces de filtrar máis auga, inundacións, debilitación do terreo e arrastres de maleza dentro da sección hidráulica das canles”, destacou o presidente da CHMS, José Antonio Quiroga. Segundo el, as limpezas “intensivas” axudaron a que os efectos se viran minguados.

Ademais, engadiu que “este organismo de conca colabora cos concellos e colectivos veciñais que solicitan e xustifican a necesidade de calquera actuación urxente”. Así e todo, lembrou que o mantemento de todo curso fluvial que discorre por zona urbana é “responsabilidade da administración competente en materia de ordenación do territorio e urbanismo”, concluíu Quiroga.

ÚLTIMAS

“Boa noticia para Lugo”, o TSXG confirma que o Concello de Lugo non ten que indemnizar ao promotor do Garañón

O Tribunal Superior de Xustiza de Galicia (TSXG) confirmou o fallo do Xulgado do...

Acepta ano e medio de prisión por insultar, acosar e ameazar a unha parella homosexual da cidade

Un home acusado de insultar, acosar, amedrentar e ameazar de morte a unha parella...

O PP oponse a rexeitar o proxecto de Altri, como pide o BNG

O Partido Popular opúxose este martes a rexeitar o proxecto de planta de celulosa de Altri...

A Deputación de Lugo reivindica o seu modelo de residencias de maiores

O responsable de Promoción Económica e Social da Deputación de Lugo, Pablo Rivera Capón,...