InicioSociedadeUn xulgado non ve ilegal que o secretario do Colexio de Veterinarios...

Un xulgado non ve ilegal que o secretario do Colexio de Veterinarios retirara documentos da sede

A presidenta do organismo, apoiada por tres directivos, presentara no 2018 unha denuncia contra o secretario por ter accedido a documentación colexial. O Consello Galego de Veterinarios xa descartara calquera tipo de infracción nesa conduta.

PUBLICADA O

- Advertisement -

O xulgado do contencioso-administrativo número 1 de Pontevedra non admitiu o recurso presentado polo Colexio de Veterinarios de Lugo contra a decisión do Consello Galego de Veterinarios, que validara como correcto o feito de que o secretario retirara documentación da sede para o seu uso.

Contra este fallo, con data do 31 de xaneiro, cabeinterpoñer un recurso de apelación nun prazo de 15 días ante este xulgado, para a súa remisión ao Tribunal Superior de Xustiza de Galicia (TSXG).

O CONSELLO GALEGO NON VIRA INFRACCIÓN

A presidenta do Colexio Veterinarios de Lugo, Ana María López Pombo, apoiada por tres directivos, presentara no 2018 unha denuncia contra o secretario por ter accedido a documentación colexial. Pero, no seu día, o Consello Galego de Veterinarios, máximo órgano de decisión na Comunidade da profesión, xa considerou que a actuación do secretario fora correcta e dentro das súas funcións.

Agora, na súa argumentación de fundamentos de dereito, o xulgado remarca que o Consello Galego designou un instrutor para que investigase o acontecido, e tanto este como o propio Consello, “concluíron motivadamente a improcedencia de incoar un procedente sancionador ao non corresponderse a conduta denunciada con ningún dos concretos tipos infractores tipificados na normativa corporativa profesional”.

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...