InicioSociedadeOs avogados de Lugo ven "máis urxente" un novo Xulgado do Social...

Os avogados de Lugo ven “máis urxente” un novo Xulgado do Social ca un de Violencia de Xénero

O decano do Colexio de Avogados cre que a creación dun xulgado específico para violencia de xénero en Lugo suporía unha segunda vitimización para as mulleres, que terían que desprazarse ata a cidade.

PUBLICADA O

- Advertisement -

O decano do Colexio de Avogados de Lugo, Félix Mondelo, volveu a pór de manifesto este xoves a necesidade dun novo Xulgado do Social ante o colapso dos tres que funcionan na cidade. A pesar de que se dispuxo dun “reforzo”, Mondelo advertiu de que iso “non chega a nada”. “Non damos actualizado os asuntos que entran”, subliñou.

Os sinalamentos para “2022 ou mesmo 2023” refírense a despedimentos —aínda que nalgúns casos “teñen un tratamento diferente”— ou “recoñecemento de xubilacións e pensións que afectan ao día a día de moitas persoas”, abundou.

Este “inconveniente”, manifestou, non só afecta os traballadores, senón que tamén prexudica “a empresas, porque de pagar un despedimento a pagalo con intereses dous ou tres anos despois hai unha boa diferenza”. “É prioritario a creación dun novo xulgado do social”, reiterou.

SEGUNDA VITIMIZACIÓN DAS MULLERES

Félix Mondelo asegurou que “é máis urxente arranxar a xurisdición Social en Lugo que o Xulgado de Violencia de Xénero, que expón serias dificultades, sobre todo para as maltratadas da provincia porque terían que desprazarse a Lugo e sería como unha segunda vitimización”.

“Incluso o xuíz de violencia de xénero non é partidario de que se estableza un xulgado para este tema en Lugo”, continuou Mondelo. “O cociente de asuntos de violencia de xénero tampouco está dentro dos parámetros que manexa o Consello Xeral do Poder Xudicial”.

ÚLTIMAS

Investigados dous lucenses tras atopar un can abandonado que fora dado de baixa por falecemento

A Garda Civil investiga a dous veciños das localidades lucenses de Castroverde e do Corgo como supostos autores...

Declaran extinguido o incendio da Fonsagrada tras queimar 65 hectáreas

O incendio do municipio lugués da Fonsagrada quedou extinguido na tarde...

Greenfiber quere mostrar a empresarios de Lugo a achega de Altri á economía local

A sede da Confederación de Empresarios de Lugo (CEL) e Cámara de Comercio de...

A muller de Lugo que denunciou á súa ex parella declara que tentaba forzala “todas as noites”

A Audiencia Provincial de Lugo acolleu este xoves o xuízo contra un home de...