InicioEconomíaLicenzas de obra case gratis en Friol para fomentar a construción de...

Licenzas de obra case gratis en Friol para fomentar a construción de vivendas

O Concello bonificará nun 95% as taxas de licenzas, unha "iniciativa pioneira", asegurou o alcalde.

PUBLICADA O

- Advertisement -

O Concello de Friol bonificará nun 95% as taxas de licenzas de obras a partir de xaneiro de 2020 no centro urbano do municipio.

O alcalde, o popular José Ángel Santos, valora como pioneira esta iniciativa, que ve “unha aposta decidida” para aqueles que “instalen a súa actividade e xeren movemento económico e emprego”.

Un anuncio que trasladou antes do pleno provincial da Deputación de Lugo, onde é deputado polo PP. Polo momento, descoñece cantas empresas se poden acoller a esta bonificación.

É algo novo, en ningún concello da provincia de Lugo está instalada esta bonificación“, explica. “Imos ver o que sucede durante 2020 e se a aposta ten éxito contemplamos que nos próximos anos tamén estea bonificada esa taxa”, agrega.

Esta vantaxe fiscal non é só para aplicar no polígono industrial, con 12 empresas situadas aí, “onde tamén está bonificada a licenza de obra, pero isto (a bonificación) é para a capitalidade” do municipio. “A aposta é para que veñan máis empresas”, subliña.

LEGADO DE LABAJJO GRANDÍO

Por outra banda, tamén se referiu ás pinturas do artista Alfredo Labajjo Grandío, a quen se atopou falecido na súa casa de Friol en outubro. Respecto diso, o alcalde explica que o Concello está “á espera de que o xulgado dite unha orde”. En total, son 71 pinturas que permanecen custodiadas no consistorio friolense.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...