InicioPolíticaO PP reta ao PSdeG a retirar o seu apoio a Lara...

O PP reta ao PSdeG a retirar o seu apoio a Lara Méndez porque tamén rexeitou integrarse en VioGen

Asegura que os socialistas critican a Jácome en Ourense pero fan a vista gorda en Lugo.

PUBLICADA O

- Advertisement -

O grupo municipal do Partido Popular acusou ao PSdeG de “falta de coherencia política” por “criticar e politizar” a situación do Concello de Ourense en relación con protocolo para protexer ás vítimas da violencia de xénero, cando en Lugo, municipio gobernado “pola socialista” Lara Méndez, a administración local tamén rexeitou adherirse a VioGen.

O viceportavoz do grupo popular, Antonio Ameijide, lembrou que a integración do Concello de Lugo en Viogén foi abordada en varias xuntas locais de seguridade, pero a alcaldesa “nunca tivo vontade de sumarse a ese programa”, que foi “asinado pola FEMP cando era ministro do Interior Alfredo Pérez Rubalcaba”.

Ameijide lembrou que foi o Partido Popular o que pediu “publicamente e en reiteradas ocasións, sen éxito, a adhesión do Concello de Lugo a ese protocolo”.

Por iso, critica a “incongruencia do PSOE”, que censura ao alcalde de Ourense polas súas declaracións sobre VioGén, e “anima a Caballero a utilizar a mesma vara de medir” no caso da alcaldesa de Lugo.

“Convidámolo a que recrimine tamén a actitude de Lara Méndez, por pecharse en banda a adherirse a ese protocolo cando o grupo do PP llo pediu publicamente, e ademais en reiteradas ocasións, desde o ano 2017”.

ÚLTIMAS

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...