InicioPolíticaO Camiño Primitivo de Lugo, terreo en disputa política

O Camiño Primitivo de Lugo, terreo en disputa política

Mentres o PP reúnese con comerciantes e emisarios doutros concellos para potenciar a ruta tradicional, ACE lembra que hai requisitos legais por cumprir – Dende o goberno local piden paciencia e coordinación coas propostas

PUBLICADA O

- Advertisement -

Lugo é o Miño, a muralla e o Camiño Primitivo. Estes tres elementos vencellan gran parte das actuacións plantexadas tanto polo goberno local como polo arco da oposición. E precisamente o Concello quere aproveitar estes valores patrimoniais no marco da Estratexia europea de Desenvolvemento Urbán Sostible e Integrador (EDUSI), que agora está en cuestión por, precisamente, invadir o terreo histórico do Camiño Primitivo.

Os diferentes partidos acollen a potenciación desta ruta dende diferentes enfoques. Para o Partido Popular é unha bandeira de cara ao Xacobeo 2021. O voceiro municipal, Antonio Ameijide, realizou un roteiro simbólico canda os representantes populares de Oviedo e Compostela. Nel aproveitaron para divulgar un decálogo de medidas que acordaron previamente con comerciantes lucenses e que foi aprobado por unanimidade no pleno de maio.

Para a responsable de Cultura do Concello, Carmen Basadre, as reivindicacións do PP deberían de producirse de xeito máis pausado, previa coordinación cos partidos presentes na cámara municipal. A concelleira convidou a agardar polas propostas da Comisión Organizadora do Xacobeo, onde os concellos están representados a través da FEGAMP, e a “traballar conxuntamente, e non ir uns por un lado, e outros por outro”.

Mentres, en Alternativa Cidadá de Esquerdas (ACE) lembran outra cuestión ineludible, a que afecta á legalidade. Dende a formación insisten en que a estratexia EDUSI precisa autorización da Xunta para intervir sobre o Camiño Primitivo, xa que está catalogado coma Ben de Interés Cultural (BIC) dende 2012. Esta situación implica tamén a necesaria reforma do Plan Xeral de Ordenación Municipal (PXOM).

ACE solicitará no vindeiro pleno esta modificación, coma anunciou o voceiro Carlos Portomeñe. Segundo explicou, os requisitos de conservación “poden facer que o PXOM varíe notablemente na zona do barrio do Carme, cuxo Plan Especial de Reforma Interior (PERI) podería ter que converterse en Plan Especial de Protección y Reforma Interior (PEPRI), coma no caso do casco histórico”. Así, indicou que cómpre iniciar o proxecto polo barrio do Carme, pola situación de conservación e as complexas delimitacións viarias e de edificación.

ÚLTIMAS

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...

Remite o temporal que deixa moita neve, inundacións e estradas cortadas en Lugo

Os efectos do temporal remitiron nas últimas horas en Galicia, cun descenso no volume de precipitacións...

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...