InicioTerra CháBegonteA provincia de Lugo terá dúas novas unidades de Atención Temperá

A provincia de Lugo terá dúas novas unidades de Atención Temperá

Unha delas dará cobertura aos concellos de Outeiro de Rei e Castro, mentres que a outra será compartida entre Friol, Guntín, Palas e Begonte. Trátase dun servizo pensado para detectar posibles trastornos nos primeiros anos de infancia.

PUBLICADA O

- Advertisement -

A provincia de Lugo contará con dúas novas unidades de Atención Temperá para detectar e tratar posibles trastornos que se producen nos primeiros anos da infancia. Estas incorporacións súmanse ás outras tres unidades xa existentes, polo que un total de 17 concellos terían cuberto este servizo, segundo explica a Xunta.

O delegado da Xunta de Galicia en Lugo, José Manuel Balseiro, presentou este venres estas dúas novas unidades. Estivo acompañado polos alcaldes de Palas de Rei, Outeiro de Rei e a alcaldesa de Guitiriz, ademais de concelleiras de Begonte, Friol e Castro de Rei.

Unha das unidades comprende “aos concellos de Outeiro de Rei e de Castro e a outra será compartida polos de Palas de Rei, Begonte, Friol e Guntín”, anunciaron. As outras tres unidades que xa están en marcha na provincia son as de Antas de Ulla, Mondoñedo e Burela. Así pois, Balseiro destacou que a Consellería de Política Social financia este servizo nun total de 17 municipios cun importe de 294.000 euros.

O SERVIZO

O delegado territorial fixo fincapé en que este tipo de atención é “un servizo fundamental para os nenos e nenas de cero a seis anos con trastornos no seu desenvolvemento ou con problemas de padecelos”. “Este servizo ofrece un conxunto de accións compensadoras que facilitan a súa adecuada maduración en todos os ámbitos e permítelles alcanzar o máximo nivel de desenvolvemento persoal e integración social”, precisou.

En cada unidade traballará un “equipo multidisciplinar, cun mínimo de tres integrantes con formación apropiada“. Refírense ás áreas de pedagoxía, psicopedagoxía, psicoloxía, educación social, traballo social, maxisterio, enfermaría, terapia ocupacional, fisioterapia ou medicina. “O persoal debe de estar especializado en desenvolvemento infantil en atención temperá”, expuxo Balseiro.

Un dos alcaldes que interviu, o de Palas de Rei, Pablo Taboada, indicou que se trata dun “paso máis na calidade dos servizos sociais”. “Isto significa que atendemos a poboación infantil, neste caso nenos de cero a seis anos”, pero “non só aos pequenos, senón tamén ás súas familias”, concluíu.

ÚLTIMAS

Estabilizado un incendio forestal en Guitiriz que afecta a nove hectáreas

Un incendio forestal orixinado este domingo no municipio lucense de Guitiriz quedou estabilizado ás...

Polémica por 300 hectáreas de monte veciñal no paraíso hippie de Negueira de Muñiz

É posible atopar restos de neve nos costados da sinuosa estrada que descende desde...

O Colexio de Arquitectos de Galicia presenta alegacións ao proxecto de Altri en Palas e pide máis información

O Colexio oficial de Arquitectos de Galicia (COAG) acordou presentar alegacións ao Estudo de...

O vello profesor Xesús Alonso Montero volta ao seu instituto de Lugo para unha gran homenaxe

O destacado escritor, lingüista, profesor e ex presidente da Real Academia Galega (RAG), Xesús...