InicioSociedadeO Supremo ratifica que a peza sobre Vendex debe continuar no xulgado...

O Supremo ratifica que a peza sobre Vendex debe continuar no xulgado de Lugo

O caso Vendex, a peza separada máis importante da Operación Pokémon, investiga supostos delitos de tráfico de influencias, falsidade documental, prevaricación, suborno e branqueo de capitais, que se atribúen a este grupo empresarial con domicilio social en Madrid e liderado por Gervasio Rolando Rodríguez Acosta.

PUBLICADA O

- Advertisement -

O Tribunal Supremo avalou a postura da Audiencia Nacional e ratificou que a competencia para investigar o caso Vendex, a peza separada máis importante da Operación Pokémon, corresponde ao Xulgado de Instrución número 1 de Lugo, onde se iniciaron as investigacións baixo o mando da xuíza Pilar de Lara, quen está pendente de saber se se confirma a sanción contra ela de sete meses e un día, que implicaría a perda de destino.

Nesta peza atópase todo o relativo ás actividades supostamente delituosas das empresas do Grupo Vendex en Galicia –así como en Cataluña e en Baleares– para conseguir concesións irregulares. Nela chegaron a estar imputadas ao redor de medio centenar de persoas, incluídos varios políticos que xa deixaron de ser alcaldes e concelleiros.

O caso Vendex investiga supostos delitos de tráfico de influencias, falsidade documental, prevaricación, suborno e branqueo de capitais, que se atribúen a este grupo empresarial con domicilio social en Madrid e liderado por Gervasio Rolando Rodríguez Acosta.

A xuíza Pilar de Lara cuantificou en 295 millóns de euros os beneficios que supostamente obtivo o grupo, pero no seu pronunciamento o Supremo repróchalle que “non están determinados os prexuízos, limitándose a resolución a sumar o importe das contratacións adxudicadas”.

NON DIFÍCIL COMPRENSIÓN

Para o alto tribunal, nesta causa non aparece o plus de dificultade que avalaría a intervención dun organismo especializado como a Audiencia Nacional e a súa instrución “non ofrece complexidade cuantitativamente relevante, máxime visto que o mecanismo narrado non presenta difícil comprensión”, agrega.

Tamén descarta que os feitos afecten a unha xeneralidade de persoas e que poidan causar grave repercusión no tráfico mercantil ou na economía nacional. Ademais, entende que a cantidade de prexudicados “é reducida, ao tratarse dun conxunto limitado de administracións públicas territoriais” (só en Galicia os concellos da Coruña, Ourense, Santiago de Compostela, Lugo, Marín, Boqueixón, Verín, Ferrol, Ordes, Sada e Arteixo).

O Ministerio Fiscal tamén avalou que a competencia sobre este caso debe corresponder ao Xulgado de Instrución número 1 de Lugo, que investiga a obtención de contratos públicos mediante subornos a autoridades e funcionarios que consistían na contratación de persoas recomendadas ou ben na entrega de agasallos ou pagos periódicos.

A investigación de Pilar de Lara tamén indagou en que o grupo Vendex realizaba achegas de diñeiro a partidos políticos mediante entregas de diñeiro en metálico aos responsables desas organizacións “para o seu financiamento ilegal”.

ÚLTIMAS

Amancio Prada volve a Lugo 16 anos depois

Amancio Prada volve a Lugo 16 anos despois do seu último concerto nesta cidade....

Piden a absolución dun mozo de Vilalba acusado de violar á súa ex parella menor de idade

A sección segunda da Audiencia Provincial de Lugo acolleu este martes a celebración do...

Denuncian unha agresión a unha menor durante unha manifestación en Lugo por levar unha bandeira saharauí

Comunidade Saharauí en Galiza presentou unha denuncia pola agresión sufrida por unha menor saharui durante unha...

Unha certificación turística permitirá protexer o ceo nocturno dos Ancares

O deputado de Medio Ambiente, Carlos López, recibiu este luns na Casa do Concello...