InicioSucesosDetida en Lugo unha muller por querer replicar en Galicia atentados como...

Detida en Lugo unha muller por querer replicar en Galicia atentados como o de Barcelona

PUBLICADA O

- Advertisement -

As forzas de seguridade do Estado detiveron a tres presuntos yihadistas en Gipuzkoa por propagar o ideario do Dáesh e a unha muller en Lugo que a través das redes sociais mostrara o seu desexo de replicar en Galicia atentados similares aos de Barcelona e Cambrils de agosto de 2017.

Segundo informou este martes o Ministerio do Interior, unha das operacións foi levada a cabo por investigadores da Brigada Provincial de Información de San Sebastián, baixo a coordinación da Comisaría Xeral de Información da Policía Nacional, e saldouse con tres marroquís de 27 anos detidos.

Os axentes rexistraron os seus domicilios nas localidades guipuscoanas de Urretxu, Ibarra e Urnieta pola súa presunta participación nos delitos de adoctrinamento e enaltecemento do terrorismo. Os detidos, que segundo os investigadores formaban un grupo “homoxéneo e cohesionado”, introducíronse nos círculos salafistas da Gipuzkoa.

Comezaran a súa actividade como consumidores de propaganda que o Dáesh publicaba en Internet e foron aumentando a súa actividade virtual até ser eles mesmos os que difundían nas súas redes sociais mensaxes de incitación ao odio e á violencia.

Deste xeito, empregaban os seus perfís para distribuír imaxes cruentas dos conflitos bélicos sirio e iraquí, acompañadas de comentarios alentando a confrontación relixiosa e a destrución de Occidente e os seus aliados. A investigación constatou que os detidos “adquiriran certa capacidade de captación e adoctrinamiento dentro da súa comunidade virtual”.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...