InicioEconomíaTableros Hispanos investirá 40 millóns na fábrica de Nadela

Tableros Hispanos investirá 40 millóns na fábrica de Nadela

A empresa procura maior eficiencia e respecto medioambiental, e engadir unha nova liña de melanina – Conta con 135 traballadores e exporta a metade da producción

PUBLICADA O

- Advertisement -

Catro anos despois de facerse cargo das instalacións da vella Tablicia, o Grupo Martín revertiu a situación crítica da empresa e afronta agora un investimento de 40 millóns de euros na fábrica de Nadela, na parroquia lucense de San Xoán de Pena. A actual Tableros Hispanos realiza este esforzo para mellorar a eficiencia e o respecto medioambiental, e engadir unha nova liña de melanina.

Segundo salientou o conselleiro de Economía, Francisco Conde, a modernización significa a “vocación de permanencia” deste proxecto industrial en Lugo. A fábrica conta con 135 empregados e está especializada na distribución de derivados da madeira. Na actualidade, a metade do negocio chega da exportación a América Latina, Portugal e Estados Unidos.

O novo plan de mellora incorpora coma recurso enerxético a biomasa e aspira a mudar en referente da economía verde. Coa nova liña de melanina e a posta ao día das instalacións de Nadela, Tableros Hispanos aspira a consolidar as vendas do mercado nacional e tamén a exportar novas medidas e deseños de taboleiros.

Dende a Consellería de Economía, Emprego e Industria valorouse o liderado de Galicia na industria madereira estatal, con preto de 3.000 empresas. O 37 por cento do total pertencen á primeira transformación, mentres que o 63 por cento restante ocúpase da segunda. A Axencia Galega de Industria Forestal procura que este eido siga a medrar, achando novas formas de valor engadido, e trasladar no futuro este liderado galego ás empresas punteiras de carpintaría e o deseño.

Conde insistiu asemade en que as administracións deben acompañar o esforzo que realiza o tecido empresarial autóctono para gañar en competitividade. O conselleiro defendeu a nova Lei de Implantación Empresarialcoñecida na oposición coma Lei de Depredación– para facilitar o crecemento coa reducción da burocracia e a fiscalidade.

ÚLTIMAS

A Deputación de Lugo acusa os bombeiros de incumprir servizos mínimos en Vilalba e ameaza con accións xudiciais

A Deputación de Lugo acusa os bombeiros do parque de Vilalba de incumprir os servizos mínimos...

O PP de Lugo presenta trinta propostas para os orzamentos municipais de 2024

A presidenta do PP de Lugo, Elena Candia, explicou a batería de propostas que...

Un condutor dá positivo en alcol e drogas tras sufrir un accidente en Lugo

Axentes da Policía Local de Lugo foron mobilizados en pasado martes por mor dun accidente de tráfico rexistrado...

Traballadoras da limpeza dea Lugo protestan ante o Parlamento pedindo a mediación da Xunta

Traballadores do sector da limpeza de Lugo trasladaron a súa protesta este martes ás...