A Dirección Xeral de Emerxencias e Interior activou a alerta laranxa por treboadas nas provincias de Lugo (Montaña e Sur) e Ourense (Sur, Montaña e Valdeorras) e un aviso amarelo noutras zonas de Galicia.

Pola súa banda, a Axencia Estatal de Meteoroloxía (Aemet) informou de que as treboadas poderán ir acompañadas de sarabia e refachos de vento “moi fortes”. Ademais, as choivas con precipitacións acumuladas poderán alcanzar o nivel amarelo e superar os 15 milímetros por hora naquelas zonas onde exista treboada.

Por este motivo, a Xunta informou –a través do 112 Galicia– aos concellos afectados, deputacións, servizos provinciais e agrupacións de voluntarios de Protección Civil para que adapten as medidas oportunas e así garantir a seguridade dos cidadáns.