InicioEconomíaEste xoves, moda e comercio local co 'Lugo vístese de primavera'

Este xoves, moda e comercio local co ‘Lugo vístese de primavera’

O evento de moda organizado pola Asociación de Autónomas de Lugo, coa colaboración de Deputación e Concello, terá lugar este xoves ás 20:30 horas nos corredores da planta baixa das instalacións provinciais

PUBLICADA O

- Advertisement -

O Pazo de San Marcos acolle este xoves segunda edición do desfile Lugo vístese de primavera. O certame, organizado pola Asociación de Autónomas de Galicia, conta coa colaboración da Deputación e do Concello de Lugo. Aspira a reactivar o comercio de proximidade e pór en valor os produtos que ofrecen. O executivo provincial destina 1.500 euros á celebración desta cita, que a Fundación TIC grabará para a promoción na provincia.

No desfile participarán 21 comercios da capital lucense que amosarán as súas propostas a través dunha trintena de modelos, nenos e adultos. Terá lugar o xoves 7 de xuño ás 20.30 horas nos corredores da planta baixa do pazo de San Marcos. A entrada será totalmente gratuíta, tendo un aforo limitado de 300 persoas; os billetes poderanse conseguir nos diferentes comercios participantes.

A deputada de Promoción Económica e Social, Sonsoles López Izquierdo, salientou durante a presentación do evento que “é necesario concienciar sobre a importancia de mercar nos comercios que temos ao pé da nosa casa, axudan a dinamizar a economía e a vida nas vilas da provincia”. A deputada informou de que o comercio dá emprego a 12.500 familias lucenses, representando o 16 por cento dos postos de traballo e o 13 por cento do Produto Interior Bruto (PIB).

A concelleira de Economía, Ana Prieto, agradeceu o papel da Asociación de Autónomas de Lugo –representada na presentación pola presidenta, Marta López– para impulsar o comercio de proximidade, e tamén á Deputación polo pulo á empresa rexentada por mulleres. O sector é vital para a economía da capital lucense, á que aporta o 14 por cento do seu PIB.

En palabras de Prieto, Lugo ten “un dos seus principais expoñentes precisamente na Asociación de Autónomas, que ao longo do ano promove un importante número de actividades orixinais e atractivas coas que estimulan as vendas, e ao mesmo tempo, lle dan aínda máis vida ás rúas da nosa cidade”. A concelleira defendeu o papel das administracións no apoio do comercio pero lembrou que o seu éxito depende “da capacidade de innovación e emprendemento”.

Pola súa banda, López agradeceu a implicación da Deputación e do Concello de Lugo para celebrar unha nova edición de Lugo vístete de Primaveira, e convidou a todos os veciños da provincia a participar no desfile e “coñecer de primeira man todas as propostas de moda, complementos, calzado ou bixutería coas que contamos”.

21 comercios e 30 modelos

Na segunda edición do Lugo vístese de Primaveira participará unha ampla representación do comercio de proximidade de Lugo: téxtil, calzado, xoiería, peletería, perfumes, ou deporte, entre outros. Os 21 establecementos lucenses participantes son: Black Market, Chic Fashion & Co, Cepece, Cuplé, Dándara, El armario de QK, Lilas, Malizia, Mariña, Mecos, Miky moda, Miriam Souto, Miss mariquita, Moninadas, Opticalia Callao, Peleterías Lucus, Rosa Clará, Urban Foot, Veritas Veritatis, Violeta y Chloe.

ÚLTIMAS

Ulloa Viva traslada aos grupos do Congreso a oposición ao proxecto de Altri

Unha delegación da Plataforma Ulloa Viva desprazouse este martes a Madrid para visitar o...

O BNG pide á Xunta que dote ao PAC de Lugo de persoal suficiente

A viceportavoz parlamentaria do BNG e deputada pola provincia de Lugo, Olalla Rodil, reclamou á Xunta que dote...

Baralla, epicentro de tres pequenos terremotos en pouco máis de dúas horas

O municipio de Baralla, en Lugo, foi epicentro de tres movementos sísmicos, rexistrados en pouco...

Medio centenar de produtores da Ulloa súmanse a un manifesto contra a instalación de Altri

Uns 50 produtores e empresarios da comarca da Ulloa e arredores sumáronse este martes...