Primark abrirá unha nova tenda en Lugo, segundo informou a empresa nun comunicado este xoves. Situada no centro comercial As Termas, abrirá as súas portas ao longo do próximo ano e ofrecerá unha ampla gama de produtos, desde artigos básicos do día a día ata as últimas tendencias en moda, beleza e fogar.
Para apoiar estas novas aperturas, Primark contratará candidatos para o posto de Retail Assistant, ofrecendo numerosas oportunidades de desenvolvemento futuro. O director xeral de Primark para España, Carlos Inácio, afirmou: “Estamos encantados de ampliar a nosa carteira de tendas en todo o país, xerando oportunidades de emprego e tendo un impacto positivo nas comunidades locais nas que operamos”.
Estes proxectos son adicionais ao investimento de 100 millóns de euros anunciado en novembro de 2022, que incluía plans para abrir novas tendas e ampliar ou reformar unha selección de tendas existentes en toda España. Desde entón, Primark abriu oito novas tendas, completou unha ampliación na súa tenda de Diagonal Mar e reformou outras seis tendas existentes.
