InicioEconomíaA Deputaciónanuncia un investimento para mellorar a rede provincial de estradas

A Deputaciónanuncia un investimento para mellorar a rede provincial de estradas

Os traballos de mellora centraranse en tres municipios: Antas de Ulla, Castro de Rei e O Saviñao

PUBLICADA O

- Advertisement -

A portavoz socialista da Deputación de Lugo, Pilar García Porto, anunciou este venres, ao termo da reunión ordinaria da Xunta de Goberno da institución, a adxudicación de catro proxectos na rede de estradas provincial chamados a “renovar a rede viaria” e a “mellorar a mobilidade na provincia”.

Unhas actuacións de renovación que, unidas aos traballos de roza noutras infraestruturas aprobadas tamén este venres, contarán cun investimento acumulado, precisou García Porto, de “preto dun millón e medio de euros”.

Os traballos de mellora da rede de estradas centraranse en tres municipios –Antas de Ulla, Castro de Rei e O Saviñao– mentres que os labores de roza para “o mantemento e a conservación” das infraestruturas afectarán a oito: Muras, Xermade, Vilalba, Lugo, Guntín, Friol, Taboada e O Saviñao.

“A rede de estradas da Deputación de Lugo é a máis extensa de toda España”, subliñou Pilar García Porto, para acto seguido indicar que a institución provincial ten previsto destinar “20 millóns de euros” dos Orzamentos de 2024 á devandita materia, o que representa, puntualizou, “un incremento do 42% en relación ao último mandato”.

Na súa comparecencia ante os medios para informar os asuntos tratados na Xunta de Goberno, a portavoz da Deputación Provincial comunicou tamén que os municipios de Baralla, Sarria e A Pobra do Brollón destinarán parte dos remanentes do Plan Único de 2023 a acometer actuacións nos seus respectivos territorios.

ÚLTIMAS

Interceptado en Lugo un condutor ebrio e drogado que carecía de permiso para conducir

Un condutor foi interceptado cando circulaba sen permiso de condución baixo os efectos do...

Becerreá rexistrou este sábado un terremoto de 2,5 graos de magnitude

O municipio lucense de Becerreá rexistrou este sábado un terremoto de 2,5 graos de...

Galicia, vixiante co sarampión: detéctanse en Lugo os dous primeiros casos dende 2020

A Consellería de Sanidade reforzou a vixilancia contra o sarampión despois de detectar que repuntes...

O PP de Lugo acusa ó goberno local de “improvisación” e “falta de xestión” na regularización de terrazas

O PP de Lugo acusou este sábado ao goberno local de "improvisación" e "falta...