InicioA UlloaPalas de ReiAltri sobre a súa planta en Palas: "non emitirá dioxinas nin será...

Altri sobre a súa planta en Palas: “non emitirá dioxinas nin será prexudicial para a saúde”

O colectivo ecoloxista Adega advertiu que a planta se convertería, de levarse a cabo, na fábrica de celulosa "máis contaminante" de España, segundo as conclusións da análise da documentación do proxecto feita polo biólogo e profesor da USC Ramón Varela

PUBLICADA O

- Advertisement -

Greenfiber, do grupo portugués Altri, defende que a planta de fibras téxtiles que proxecta en Palas de Rei “non emitirá dioxinas nin será prexudicial para a saúde”.

O pasado mércores, os colectivos SOS-Sanidade Pública, Plataforma Ulloa Viva e Santiso Vivo alertaron sobre o “problema que pode dar a nivel de saúde pública” a fábrica de Altri en Palas, entre o que citaron choiva aceda, efecto invernadoiro, contaminación de augas do río Ulla e da ría de Arousa, así como emisión de dioxinas que producen problemas respiratorios e diferentes tipos de cancros.

Así mesmo, este xoves, o colectivo ecoloxista Adega advertiu que a planta se convertería, de levarse a cabo, na fábrica de celulosa “máis contaminante” de España, segundo as conclusións da análise da documentación do proxecto feita polo biólogo e profesor da USC Ramón Varela.

En resposta, Greenfiber emitiu un comunicado no que o director de Operacións de Altri en España, Pedro Baptista, afirma que: “As dioxinas son sustancias químicas xeradas na combustión de produtos que teñen cloro en cantidades importantes na súa composición. Nunha fábrica como a nosa isto non sucede. E no proxecto GAMA non se vai a utilizar cloro, polo que é imposible a emisión de dioxinas. As informacións que alertan dun risco para a saúde están baseadas en información errónea, por tanto, son falsas”.

Con respecto ás emisións dos gases xerados no proceso de produción, Baptista sostén que “serán tratados antes de ser liberados á atmosfera”. “E este tratamento previo dos gases garante que, en todos estes parámetros, as concentracións están por baixo das esixidas nas mellores técnicas dispoñibles da comunidade europea (BREF)”. Indica que “a altura de 75 metros para a cheminea foi precisamente definida en base a un estudo de dispersión baseado en complexos modelos matemáticos que garanten a non afectación á saúde humana ou dos animais”.

Ademais, Greenfiber di que “se empregarán as máis avanzadas tecnoloxías que permitirán captar todos os gases olorosos para ser reutilizados no proceso de produción de enerxía, de modo que se garanta unha ausencia total de malos cheiros na contorna da planta”. Garante que “será o mellor exemplo europeo desta nova industria baseada na sustentabilidade, a innovación e a mellora continua”.

“Tal e como xa explicamos en ocasións anteriores, o proceso técnico da planta de Palas de Rei para fabricar fibras téxtiles e lyocell non é nin sequera comparable ao das antigas celulosas de pasta de papel. Non usaremos nin cloro nin lixivias, senón osíxeno e todos os gases olorosos serán reutilizados dentro da propia planta para producir enerxía, polo que será un centro con cheiros cero, tal e como sucede nas nosas plantas de Portugal. E, por suposto, sen ningún tipo de afectación á saúde das persoas”.

ÚLTIMAS

Aviso amarelo por treboadas localmente fortes en toda a provincia este martes

Unha borrasca no oeste deixou choivas xeneralizadas nas horas centrais deste luns, con intensidade puntualmente...

Primeiros servizos ‘Intercity Express’ para reforzar as conexións directas A Coruña-Lugo-A Mariña

O Consello da Xunta aprobou este luns o proxecto de acordo polo que se autoriza a contratación...

Interceptados dous xinetes que circulaban borrachos dacabalo por zona peonil no Arde Lucus

A Policía Local de Lugo notificou ao longo do fin de semana, cando se intensificaron os...

(Vídeo) O circo romano fixo vibrar ao Arde Lucus

Como cada ano, un dos momentos máis agardados da festa do Arde Lucus é o...