InicioMedioambiente e PatrimonioGreenfiber reitera que Altri "non cambiará as condicións do Ulla" e alega...

Greenfiber reitera que Altri “non cambiará as condicións do Ulla” e alega que o estudo de Ence “non está actualizado”

Aínda que sen mencionar expresamente o nome de Ence, Greenfiber defendeu nun comunicado que "non se poden comparar dous informes elaborados con seis anos de diferenza e para proxectos completamente diferentes", á vez que subliña que "o estudo da outra fábrica de Galicia non está actualizado".

PUBLICADA O

- Advertisement -

Greenfiber, formada pola enerxética Greenalia e a multinacional lusa Altri, reiterou este martes que “non cambiará as condicións do Río Ulla” co proxecto que planea en Palas de Rei. Ao tempo, rexeitou comparacións entre o estudo de impacto ambiental deste plan e o encargado no seu día sobre o traslado de Ence.

Así se pronunciou un día despois de que as Plataformas Ulloa Viva e en Defensa da Ría de Arousa (PDRA) fixesen un chamamento conxunto á cidadanía para que siga presentando alegacións contra o proxecto da planta de Altri en Palas de Rei. Neste sentido, anunciaban unha nova alegación na que se sinalará que a mesma consultora que desaconsellaba trasladar Ence dos terreos de Lourizán en Pontevedra a outro caudal agora fixo un estudo de impacto ambiental positivo sobre Altri no río Ulla.

Aínda que sen mencionar expresamente o nome de Ence, Greenfiber defendeu nun comunicado que “non se poden comparar dous informes elaborados con seis anos de diferenza e para proxectos completamente diferentes”, á vez que subliña que “o estudo da outra fábrica de Galicia non está actualizado”. De feito, a compañía esgrime que a tecnoloxía de “filtración por membranas” que Greenfiber vai aplicar no proxecto GAMA “non existía na industria en 2017, xa que foi aplicada por primeira vez na planta de Biotek en 2018”.

“Unha tecnoloxía que permitiu que Biotek utilice 15 m3/t de auga mentres que o volume da outra fábrica referenciada no citado estudo, de acordo co seu informe de sustentabilidade, é de 30 m3/t. Por iso, GAMA estará moi por baixo de valor, non sendo comparables os proxectos”, argumentou. No comunicado, Greenfiber defende que GAMA é “resultado da innovación” e “integra tecnoloxías que non reúne ningún proxecto industrial deste sector no mundo a día de hoxe”.

Tamén recalca que Altri é “referente mundial” en uso da auga, e que na súa fábrica de Biotek, única a nivel mundial que recircula efluentes, o uso específico de auga rolda os 15 m3/t. “A industria mencionada no estudo de 2017 capta no río ao redor de 30m3/t que devolven ao mar (non ao río, como GAMA) segundo información recollida na súa memoria de sustentabilidade”, contrapuxo.

DATOS “NON ACTUAIS”

Na mesma liña, subliña que o outro estudo “data de 2017/2018”, pero a planta de referencia Biotek de Altri “empezou en 2018, polo que no citado estudo non hai datos da tecnoloxía posta en marcha por Altri ese ano”. Así, conclúe que os datos presentados no citado informe de 2017/2018 “non son actuais, xa que a tecnoloxía que se utilizará en GAMA, que supón un investimento de 80 millóns de euros, permitirá obter un efluente cunha calidade non comparable á que se obtén con tecnoloxías anteriores e que ademais será devolto ao Ulla”.

Por iso, sostén que se permitirá que o uso específico de auga na fábrica de Greenfiber en Palas sexa “aínda moito máis inferior ao valor actual de Biotek”. Neste sentido, a compañía incide, ademais, en que no estudo detállanse as porcentaxes de diminución que “son inferiores ao 1 % durante 9 meses ao ano, entre o 1-2 % nos meses de xuño-xullo e o 2 % nos meses de agosto e setembro”.

ÚLTIMAS

Aviso amarelo por treboadas localmente fortes en toda a provincia este martes

Unha borrasca no oeste deixou choivas xeneralizadas nas horas centrais deste luns, con intensidade puntualmente...

Primeiros servizos ‘Intercity Express’ para reforzar as conexións directas A Coruña-Lugo-A Mariña

O Consello da Xunta aprobou este luns o proxecto de acordo polo que se autoriza a contratación...

Interceptados dous xinetes que circulaban borrachos dacabalo por zona peonil no Arde Lucus

A Policía Local de Lugo notificou ao longo do fin de semana, cando se intensificaron os...

(Vídeo) O circo romano fixo vibrar ao Arde Lucus

Como cada ano, un dos momentos máis agardados da festa do Arde Lucus é o...