A CIG informou de que o vindeiro luns, 13 de marzo, ás 12,30 horas, persoal das factorías de Grupo Leite Río SA iniciarán mobilizacións pola mellora das condicións laborais.
Así, está prevista unha concentración do conxunto do persoal traballador no acceso da factoría Ceao 1, na avenida de Benigno Rivera, no polígono industrial de O Ceao ás 12,30 horas do luns. A duración estimada é de media hora.
A xornada de folga prevista para ambas as factorías terá unha duración de catro horas, desde as 12 ata as 16 horas. As mobilizacións están convocadas polo comité de empresa, con representación maioritaria da CIG e con presenza tamén de UGT.
Segundo explica a central nacionalista, o persoal de Leite Río leva “meses reclamando unha serie de melloras nas condicións laborais”, como consecuencia dunha “excesiva flexibilidade que demanda a empresa e que pretende implantar a ‘custo cero'”.
A pesar da calidade e investimento tecnolóxicas nas factorías desta empresa, así como o aposta prol produtos de alto valor engadido, “non existe a mesma dinámica no aspecto laboral, situándose estas factorías á cola doutras empresas do sector”, sinalan, tanto na retribución salarial como nos aspectos sociais.
Froito da falta de avances, nestes aspectos, a representación legal do persoal deu inicio ás mobilizacións, a partir deste luns, mediante paros intermitentes que terán continuidade nas próximas semanas.
