InicioTerra CháMurasO alcalde de Muras acusa a Urbas de ofrecer prezos "irrisorios" a...

O alcalde de Muras acusa a Urbas de ofrecer prezos “irrisorios” a propietarios de terreos para a mina de feldespato

PUBLICADA O

- Advertisement -

alcalde de Muras, o nacionalista Manuel Requeixo, acusou á empresa Urbas de ofrecer “prezos irrisorios” a propietarios dos terreos na parroquia de Silán para explotar un xacemento de feldespato.

Requeixo precisou que “os técnicos municipais están a revisar a documentación que presentou a empresa no concello” e engadiu que “cando acaben de revisalos verase se se cumpre coa normativa”.

“Non temos información real no concello; cando menos sorprende que se faga unha valoración do xacemento que hai alí (Silán)”, advertiu.

Ademais, sinalou que polo que lle consta a el “o que se está ofrecendo aos propietarios dos terreos, que teñen explotacións gandeiras”, son prezos “irrisorios”.

“Está a ocorrer algo semellante ao que ocorreu cando foi o inicio dos parques eólicos. Esperemos que non se repita nesta ocasión, a condición de que a empresa cumpra coa documentación que sexa correcta e estea en orde”, agregou.

Manuel Requeixo afeou que “coa Xunta non houbo comunicación algunha” e engadiu que si a houbo coa empresa pero “en momentos puntuais”.

Os veciños, pola súa banda, presentaron alegacións, segundo confirma o rexedor. Urbas recibiu a pasada semana a autorización da Xunta para explotar este xacemento de feldespato ao descuberto. Segundo a empresa poderíanse crear máis dunha vintena de empregos.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...