InicioA UlloaPalas de ReiAltri non decidirá a localización da fábrica ata xuño de 2023, di...

Altri non decidirá a localización da fábrica ata xuño de 2023, di o alcalde de Palas

O alcalde de Palas de Rei aclarou que "a decisión é estritamente empresarial e os prazos son os que determina a empresa e neste caso parece que ata xuño do ano que vén non se tomará esa decisión", que adoptará o consello de administración da empresa "a través do seu accionariado".

PUBLICADA O

- Advertisement -

O alcalde de Palas de Rei, Pablo Taboada, confirmou que a multinacional portuguesa Altri non tomará a decisión sobre a localización da fábrica de fibras téxtiles ata xuño do próximo ano, e que dita decisión depende dos fondos europeos que se capten.

Taboada constatou que “os pasos, no que respecta ao proxecto, están a darse firmes, aínda que as noticias que saíron estes días é que ata mediados do ano que vén non se vai a tomar a decisión definitiva e empresarial“. En principio soara este municipio para esa futura planta.

Con todo, si que corroborou que “xa hai acordo sobre a leira, concluíuse co estudo geotécnico e estase co estudo arqueolóxico”, pois “se están agora facendo traballos de catas”.

No entanto, aclarou que “a decisión é estritamente empresarial e os prazos son os que determina a empresa e neste caso parece que ata xuño do ano que vén non se tomará esa decisión”, que adoptará o consello de administración da empresa “a través do seu accionariado”. “Ata xuño non se tomará a decisión definitiva, queestará vinculada aos fondos europeos”, incidiu.

O rexedor concretou que “o financiamento do proxecto é de case 400 millóns de euros e a aspiración que se transmitiu pola firma é de aproximarse a 200 millóns de euros” de achega dos fondos procedentes de Bruxelas.

“Sabemos que se está traballando niso, sabemos que hai reunións ydisposición para financiar o proxecto como así transmitiu o presidente do Goberno ao presidente da Xunta, pero hai que materializalo. Estamos á espera da confirmación do investimento que corresponda”, sinalou.

En canto á leira, Taboada indicou que se trata dun solar “en aluguer con dereito a compra, que está no límite de Palas coa provincia da Coruña”. A superficie pode alcanzar os 2,5 millóns de metros cadrados, que se poderían ampliar a expensas de que se incorporen “outras leiras” apalabradas.

ÚLTIMAS

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...

Desestimada a demanda da irmá dunha muller asasinada por mal funcionamento da Casa da Muller de Lugo

O Xulgado do Contencioso-administrativo número 2 de Lugo desestimou a demanda presentada pola irmá da muller...

O PP de Lugo di que o anuncio da rehabilitación da N-540 dilata tres anos unhas obras que deberían ser urxentes

O PP de Lugo considera insuficiente o anuncio da adxudicación das obras de rehabilitación do firme...

Inundados tres dos catro pasos sobre o río Ladro en Begonte

As intensas precipitacións da xornada do domingo provocaron o desborde do río Ladra ao seu paso...