InicioEconomíaConverten en fixos catro traballadores do Club Fluvial de Lugo tras unha...

Converten en fixos catro traballadores do Club Fluvial de Lugo tras unha denuncia de CC.OO. ante Inspección

"En relación á súa denuncia contra o Club Fluvial de Lugo, e tras as comprobacións oportunas, a empresa procedeu a transformar en indefinidos os contratos de varios traballadores da empresa", indica Inspección, nunha comunicación ao sindicato.

PUBLICADA O

- Advertisement -

Catro traballadores eventuais do Club Fluvial de Lugo foron convertidos en fixos descontinuos, tal e como constatou Inspección de Traballo e Seguridade Social tras unha denuncia presentada por CC.OO o pasado mes de febreiro.

“En relación á súa denuncia contra o Club Fluvial de Lugo, e tras as comprobacións oportunas, a empresa procedeu a transformar en indefinidos os contratos de varios traballadores da empresa”, indica Inspección, nunha comunicación ao sindicato.

En concreto, a denuncia foi presentada o 17 de febreiro e sinalaba que a empresa oferta formación para practicar diferentes actividades deportivas e de lecer, pero que formalizaba “con carácter sistemático –de forma fixa e descontinua– contratos de traballo (…) baixo a modalidade de contrato de obra ou servizo determinado e eventuais por circunstancias da produción”.

CC.OO. consideraba que estas modalidades contractuais incorrían “en manifesta fraude de lei”, polo que instou á administración inspectora de Lugo para que regularizase a contratación das persoas afectadas.

E é que, segundo lembra o sindicato, en reformar laboral impulsada polo actual Goberno “desaparece o contrato de obra ou servizo determinado” e, por tanto, a actividade do Club Fluvial “encádrase nun dos supostos para a realización dos novos contratos fixos-descontinuos”.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...