InicioSociedadeConcentración para evitar que "morra" o sector gandeiro de Lugo

Concentración para evitar que “morra” o sector gandeiro de Lugo

UU.AA. estima que "sobreviven" sobre 3.500 explotacións, con 20 ou máis vacas, o que supón máis da metade delas que operan en Galicia.

PUBLICADA O

- Advertisement -

O secretario de Unións Agrarias (UU.AA.), Roberto García, alertou do peche de “moitas explotacións” de vacas de carne, porque se dispararon os custos de produción e os prezos seguen “estancados” desde fai quince anos.

Así, fixo fincapé neste problema tras participar na primeira concentración convocada por este sindicato ante a Delegación da Xunta en Lugo co fin de concienciar á Administración autonómica de pór freo a esta tendencia “negativa”. García avisa de que “o risco na maioría delas (granxas de carne) é que se moven nuns ingresos anuais que non chegan ao Salario Mínimo Interprofesional” e, advirte, “se esta situación non se corrixe, moitas delas veranse abocadas a pechar”.

Na provincia de Lugo estima que “sobreviven” sobre 3.500 explotacións, con 20 ou máis vacas, o que supón máis da metade delas que operan en Galicia. Este dirixente agrario advertiu de que “aguantan por varias razóns; unha ten que ver cunha idade próxima á xubilación, con dificultades para reciclarse noutro tipo de actividade agraria e están tamén en zonas de montaña onde as alternativas laborais son escasas”.

“Non é tanto un problema de viabilidade económica, senón case de ausencia doutro tipo de alternativa e é por iso polo que seguen aguantando”, e non pechan, aseverou. “O risco non é que quedemos desabastecidos desta carne de calidade, é que é este tipo de explotacións xogan un papel determinante en manter abertas determinadas aldeas e pobos e sobre todo xogan un papel determinante na limpeza das zonas de montaña”, comentou.

Finalmente, sinalou que “no sector da carne sucedéronse tres crises seguidas; unha caída brutal do prezo durante a pandemia, como consecuencia do peche da hostalaría e baixada do turismo, uns prezos conxelados desde fai quince anos” e “agora súmaselle os custos de produción, co encarecemento da luz, dos pensos e dos abonos”, concluíu.

ÚLTIMAS

Os Andares, un proxecto de inmersión sonora para redescubrir os Ancares

Os Andares, un proxecto artístico-inmersivo sobre a memoria emocional dos territorios, presenta seis viaxes...

Suspendido o xuízo contra un home acusado de ameazar a dúas persoas cunha escopeta

O xuízo oral contra un home acusado dun delito de tenencia ilícita de armas...

A compañía de teatro do Campus de Lugo galardoada na mostra de ‘Teatro Joven’ de Donostia

Deixando a pel da compañía de teatro universitario USC- Lugo obtivo o premio á mellor...

O PPdeG demandará “máximo rigor” na tramitación da planta de biometano de Coeses, en Lugo

O portavoz do Grupo Parlamentario Popular, Alberto Pazos, acompañado dos deputados lucenses Encarna Amigo,...