InicioEconomíaO Consello Provincial de Turismo de Lugo integrará 26 asociacións

O Consello Provincial de Turismo de Lugo integrará 26 asociacións

O organismo consultivo de promoción do turismo impulsado pola Deputación procurará consenso e colaboración entre os axentes do eido

PUBLICADA O

- Advertisement -

O goberno da Deputación prepara nestas datas a activación do Consello Provincial de Turismo, un órgano consultivo que reunirá aos principais axentes turísticos na preparación da inminente transformación do sector. Este apoio definitivo á iniciativa recollida nas liñas estratéxicas do executivo prodúcese logo da aprobación sen reclamacións do texto normativo, publicado no Boletín Oficial da Provincia o 5 de maio.

En primeiro lugar, a autoridade provincial procedeu a contactar coas entidades presentes no Consello, para que designen ás persoas representantes. A creación do ente era unha reclamación do sector, reiterada durante as mesas de traballo que deron lugar ao Plan Estratéxico de Turismo da Provincia de Lugo (2017-2020).

Ao abeiro deste documento, o eido turístico lucense acadará novas cotas de rendibilidade e competitividade. Isto será posible a través da obtención de consensos para as actuacións de mellora e promoción do destino. Os diferentes axentes da cadea turística, un total de 26, artellarán compromisos conxuntos cos que transformar o sector, garantindo un modelo de negocio eficiente e respectuoso, en converxencia cos plans xa existentes por separado.

Dende este momento, as entidades convocadas no Consello Provincial contan ata o 14 de setembro para confirmar as súas delegacións. Entre as 26 institucións participantes atópanse, entre outras, a Universidade de Santiago de Compostela, a Federación Galega de Comercio, o Clúster de Turismo de Galicia, a Asociación Provincial de Empresarios da Hostalaría, a Federación Galega de Turismo Rural, a Asociación Galega de Axencias de Viaxe, e representantes Auxilia e dos diversos grupos políticos.

Entre as directrices do Plan Estratéxico de Turismo da Provincia de Lugo (2017-2020), elaborado nun proceso participativo e aberto, establécense 4 eixes, 6 liñas estratéxicas, 14 plans de actuación e 71 accións a impulsar. Algunhas das actividades concretas, entre as que se atopa a creación deste Consello Provincial, compréndense un plan de sinalización vencellado ás novas tecnoloxías, mellorando a accesibilidade aos recursos turísticos da provincia, o impulso á organización de eventos relacionados coa gastronomía, fomento dunha rede de eventos culturais da provincia de Lugo, entre outras.

ÚLTIMAS

Altri sobre a súa planta en Palas: “non emitirá dioxinas nin será prexudicial para a saúde”

Greenfiber, do grupo portugués Altri, defende que a planta de fibras téxtiles que proxecta...

Cáritas advirte da existencia dunha “feminización da pobreza” na cidade durante o 2023

Cáritas Diocesana de Lugo alertou este xoves, durante o acto de presentación dos datos recolleitos...

Olano censura que Sánchez deixe a Lugo sen alta velocidade e “obrigue a Tomé a contar unha mentira que non cre ninguén”

O deputado por Lugo no Congreso Jaime de Olano censurou este xoves que o Goberno que dirixe Pedro Sánchez...

Un home acusado de abusar sexualmente da súa filla en Vilalba nega os feitos: “Nunca a toquei”

A Audiencia Provincial de Lugo acolleu este xoves a celebración do xuízo contra un...