InicioEconomíaDenuncian que a empresa Surexport realiza "prácticas nefastas" e ten actitudes "racistas"...

Denuncian que a empresa Surexport realiza “prácticas nefastas” e ten actitudes “racistas” contra algúns traballadores

"Son xornadas laborais que exceden con moito o legal, horas extras non retribuídas e actitudes racistas sobre todo con persoas africanas" denuncian varios colectivos.

PUBLICADA O

- Advertisement -

A Federación Rural Galega, Adega, os sindicatos Comisións Obreiras e CIG, entre outras organizacións, exhibiron unha fronte común en Castro de Rei coa repartición de folletos informativos contra a empresa Surexport, que se dedica á produción de fresas, arandos, framboesas e amoras.

Varios membros de ditos colectivos concentráronse ás portas desta empresa clamando contra a “explotación e o espolio agroindustrial” e pedindo que saia “fóra” de Galicia.

Todas as organizacións que fan fronte a este grupo empresarial invocan “as prácticas nefastas que se concentran na contaminación de augas e chan vinculado ao seu modelo de produción agroindustrial, sustentado no emprego de abundantes produtos químicos, así como no acaparamento de terras agrarias”.

Por parte da Federación Rural Galega, o responsable de sectores agrarios, Gabriel López, centrouse nas condicións laborais con “presións constantes, ameazas de despedimento, incumprimento das condicións salariais ou escaseza de auga que dificulta ter unhas condicións hixiénico-sanitarias mínimas”.

Ademais, López denunciou “actitudes racistas” contra algún dos traballadores, tendo en conta que a maior parte dos contratados proceden do continente africano. “Son xornadas laborais que exceden con moito o legal, horas extras non retribuídas e actitudes racistas sobre todo a persoas africanas”, asegura.

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...