InicioEconomíaA veciñanza de Lugo poderá solicitar bonos de 30 euros para gastar...

A veciñanza de Lugo poderá solicitar bonos de 30 euros para gastar en comercio e hostalaría

José Tomé destaca o investimento de 510.000 euros destinada a esta iniciativa, que buscará un impacto económico 1,5 millóns.

PUBLICADA O

- Advertisement -

A Deputación de Lugo abrirá o martes, 1 de xuño, o prazo para que a veciñanza da provincia soliciten os ‘Bonos Impulso’, dotados de 30 euros para gastar en comercios e negocios de hostalaría e servizos ata o 31 de agosto. A institución repartirá un total de 17.000 boletos que se poderán solicitar durante 15 días, ata o 21 de xuño, a través da web da Deputación ou presencialmente.

O seu presidente, José Tomé, destacou que os 510.000 euros orzados para esta iniciativa supoñen “unha inxección económica moi importante” que multiplicará “por tres”, ata os 1,5 millóns, o impacto económico nos sectores aos que vai dirixida. “Unha gran parte dos autónomos e das pequenas empresas atravesan momentos difíciles, por iso queremos axudar á súa recuperación con esta importante medida”, agregou.

Os ‘Bonos Impulso’ ofrecen descontos de 30 euros para que os beneficiarios realicen compras dun mínimo de 60 nos case 700 locais que ata o momento se adheriron a esta iniciativa. Cada persoa poderá gastalo nun comercio do seu municipio de residencia, salvo que na devandita localidade non haxa ningún negocio participante.

“UNHA REPARTICIÓN EQUITATIVA”

A Deputación de Lugo asegura que haberá “unha repartición equitativa” dos bonos por cada concello seguindo criterios “obxectivos” como a poboación, o número de persoas en situación de desemprego e as empresas dadas de alta no imposto de actividades económicas (IAE). En base a estes parámetros, a institución provincial establece un mínimo de 20 bonos para os concellos máis pequenos e un máximo de 5.000 para os máis grandes.

No caso de que nesta primeira fase de solicitude non se esgoten os 17.000 bolestos previstos, a Deputación habilitará novos prazos e realizará sorteos entre os cidadáns interesados.

CONGRESO GASTRONÓMICO E CULTURAL

Por outra banda, o Museo Interactivo da Historia de Lugo (MIHL) acolleu este sábado o segundo congreso gastronómico e cultural ‘…E para Comer, Lugo no Camiño’, organizado pola Asociación Provinciual de Empresarios de Hostalería e Turismo de Lugo (APEHL). Alí, a responsable de Réxime Interior, Promoción do Territorio e Turismo da Deputación, Pilar García Porto, agradeceu aos impulsores deste evento por “acertar ao xuntar dunha parte o Camiño” e doutra “os produtos de proximidade”.

Así mesmo, García Porto aproveitou para reafirmar “o compromiso da Deputación co impulso da hostalaría e o turismo como unha das liñas fundamentais” do seu proxecto para a provincia tras a pandemia da covid-19.

ÚLTIMAS

Descubertos varios sitios arqueolóxicos nos Ancares

O Colectivo Patrimonio dos Ancares comunicoulle á Xunta de Galicia a localización de varios...

Ecoloxistas en Acción denuncia que a planta de Altri en Palas consumirá o total da auga da provincia de Lugo nun día

Ecoloxistas en Acción reclama á Xunta que denegue á compañía portuguesa Altri a solicitude de captación...

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...