A segunda fase do plan de pastos da Xunta contempla once actuacións noutros tantos puntos da provincia de Lugo e labores que se desenvolverán en 172 hectáreas a través dun investimento de 732.000 euros.
Estas cifras foron repasadas polo conselleiro do Medio Rural, José González, na súa visita a un pasteiro acondicionado ao amparo deste programa no municipio lugués de Navia de Suarna.
En total, a provincia de Lugo terá 11 dos pastos proxectados na segunda fase do plan, que prevé traballos en 30 montes veciñais de 24 municipos de toda a Comunidade galega nos que se investirá uns 4 millóns de euros para actuar sobre 744 hectáreas.
O programa de pastos é unha medida complementaria ao plan de prevención de incendios forestais articulado pola Administración autonómica, que incumbe a máis de 58.000 hectáres e uns 5.000 quilómetros de pistas e vías de comunicación
Na súa visita a Navia, o conselleiro resaltou que este municipio lugués conta con tres pasteiros diferentes que, en conxunto, suman 33 hectáreas que recibirán un investimento de 130.000 euros.
BALANCE PRIMEIRA FASE
Así mesmo, González aproveitou para repasar as cifras que deixa a primeira fase do plan de pastos, que chegou a 560 hectáreas en toda Galicia a través de 2,3 millóns de euros.
Desta cantidade, 250.000 euros foron investidos en Lugo, onde foron acondicionados pasteiros en Navia, Samos, Sarria e Láncara ata chegar ás 74 hectáreas en total.
