InicioEconomíaEstás interesad@ en conseguir un bono desconto de 30 euros na hostalaría...

Estás interesad@ en conseguir un bono desconto de 30 euros na hostalaría e comercio da provincia de Lugo?

A Deputación de Lugo destina medio millón de euros en bonos para consumo na hostalaría e o comercio da provincia.

PUBLICADA O

- Advertisement -

O presidente da Deputación de Lugo, José Tomé, presentou os ‘Bonos Impulso’, aos que o goberno provincial destina medio millón de euros para favorecer o consumo nos negocios de hostalaría e o comercio dos 67 municipios lugueses.

A presentación tivo lugar nos xardíns do pazo de San Marcos, onde Tomé explicou estes bonos orientados á hostalaría e o pequeno comercio da provincia. Así, precisou que se prevén mobilizar outro medio millón de euros en consumo, co que a “inxección económica” para os negocios chegaría ao millón de euros.

Trátase de 17.000 bonos cun importe de 30 euros cada un para consumir e comprar nos establecementos da provincia. Para empregalos, deberán facerse compras superiores aos 60 euros. “Isto vai xerar un efecto multiplicador importante, cada persoa vai poder solicitar un bono como máximo, e no caso de que algún quedase sen asignar haberá sorteos ata esgotar os 17.000″, concretou.

En cada concello “haberá unha repartición equitativa dos bonos, seguindo criterios obxectivos de poboación, criterios de número de desempregados e de número de empresas dadas de alta”. O vindeiro luns será publicada a orde das axudas no Boletín Oficial da Provincia, co que, a partir do martes, abrirase o prazo para que se somen á iniciativa aqueles negocios ou comercios que así o desexen.

Os bonos, que serán de carácter nomitativo, terán unha validez ata o 30 de agosto e, unha vez que se soliciten a través da páxina web provincial, chegarán ao domicilio dos solicitantes.

+ posts

ÚLTIMAS

As XXXVII Xornadas Luis Asorey analizarán os potenciais terapéuticos dos recursos naturais

  O salón de actos do Pazo de San Marcos acollerá do 9 ao 19...

O Concello de Lugo reúne a comisión mixta sobre o saneamento da rúa Fermín Rivera

O goberno local quere coñecer en que punto se atopa o proxecto de saneamento...

O Concello de Lugo e as asociacións do Arde Lucus levarán a recreación histórica da festa á feira INTUR de Valladolid

Concello de Lugo levará o Arde Lucus á 29ª edición de INTUR, a Feira...

A Deputación participa na nova reunión da veciñanza do Courel arredor da castaña

  A Deputación de Lugo participou este sábado na XXXVII Festa da Castaña do Courel,...