InicioSociedadeCarmen Lence, de Leite Río, aposta por crear un gran grupo lácteo...

Carmen Lence, de Leite Río, aposta por crear un gran grupo lácteo galego: “A unión fai a forza”

Asegura que a súa empresa paga aos produtores "por encima da media" e avoga por "axudar" aos gandeiros a ser "máis eficientes"

PUBLICADA O

- Advertisement -

A CEO do Grupo Leite Río, Carmen Lence, considera que “suporía un beneficio” conformar un gran grupo lácteo galego que aglutinase á súa compañía, a Cooperativas Lácteas Unidas (CLUN) e a “algunha outra cooperativa máis pequena”.

“A unión fai a forza”, xustificou Lence, nunha entrevista concedida este domingo ao circuíto galego de Radio Nacional (RNE), recollida por Europa Press. Neste sentido, a CEO de Leite Río avoga por unha máis estreita colaboración entre as compañías que “non se van a ir” de Galicia, fronte ás cales situou ás multinacionais: “Hoxe están aquí pero mañá se cadra non, porque lles convén máis estar no seu país”.

Durante a entrevista, a tamén membro do novo Comité Executivo da Confederación de Empresarios de Galicia (CEG) explicou como a pandemia cambiou “o hábito de compra” dos cidadáns nos produtos lácteos. E é que, aínda que “se consumiu máis no supermercado”, iso “non compensou a perda” dos sucesivos peches da hostalaría e dos “80 millóns de turistas que este ano non viñeron”.

LEITE RÍO PAGA “POR ENCIMA DA MEDIA”

Iso si, nun contexto no que os sindicatos e as organizacións agrarias aínda denuncian os baixos ingresos que perciben os gandeiros, Lence resaltou que Leite Río sempre paga “por encima da media de Galicia”.

“O campo ten que vivir. Se o rural morre, nós morremos tamén. As gandarías teñen que ser tamén empresas viables”, explicou. Ademais, avanzou que a súa compañía está agora nun proxecto para “axudar os gandeiros” a ser “máis eficientes”.

Preguntada sobre por que os produtores lácteos galegos son os que menos cobran no Estado español, Carmen Lence asegurou que “unha parte” deste fenómeno débese á situación xeográfica da Comunidade: “Máis lonxe dos maiores centros de consumo de España”.

“Se os gandeiros de Castela e León empezasen a producir tanto leite como en Galicia, moitas das outras empresas lácteas máis preto de Madrid, un dos maiores centros de consumo de España, deixarían de comprar leite en Galicia e compraríana en Castela e León, porque o custo de levar un produto como o leite en centros de consumo é alto”, abordou.

De igual modo, Lence defendeu a actuación da súa empresa fronte ás compañías que conformaban o chamado ‘cártel do leite’, multado por repartirse o mercado, e descartou que estas prácticas continúen: “En absoluto”.

Así mesmo, explicou como funciona a compra do produto: “Aos gandeiros teslles que facer unha oferta, despois eles reciben ofertas de varias empresas e ao final son eles os que deciden con que empresas vanse”.

INCENDIO NO CEAO

Unha semana despois do incendio do Polígono do Ceao, en Lugo, onde tamén está situada a planta do Grupo Leite Río, a súa CEO relatou na entrevista a RNE como dous dos seus traballadores “organizáronse” para contribuír a apagar as chamas que afectaron a un total de cinco naves industriais.

En concreto, desprazaron auga ata o lugar empregando as cisternas destinadas a recoller leite para que así os bombeiros puidesen continuar coa extinción do lume.  “Agradézollo de corazón e creo que llo agradece todo Lugo”, expresou Lence.

INCORPORACIÓN Á CEG

A CEO de Leite Río, recentemente incorporada ao Comité Executivo da patronal galega, tamén valorou a “moita importancia” que ten para ela participar neste foro para promover que os empresarios “se mobilicen, se defendan” e “fagan un pouco de presión nas administracións” para favorecer os investimentos e o crecemento económico de Galicia.

“O traballo que favorece a todos tamén nos favorece a nós como empresarios individuais. Non podemos ter esta actitude de esperar que os demais fagan cousas por nós, de que o Estado o faga por nós”, dixo.

ÚLTIMAS

Denuncian o estado ruinoso dunha ponte medieval, paso de peregrinos

Alertados por uns veciños, dende o Colectivo Patrimonio dos Ancares acaban de comunicar á...

Descubrindo o cemiterio de San Froilán

Os cemiterios son unha desas infraestruturas que resulta imprescindible para calquera cidade. Cada vez os...

(Vídeo) Así quedou unha mámoa protexida en Navia de Suarna, cun gran buraco de case medio metro de profundidade

As asociacións solicitan ante a Dirección Xeral do Patrimonio Cultural que se realice unha...

O BNG insta o Senado a rexeitar o proxecto de Altri tras o “clamor social” manifestado en Palas de Rei

A senadora do BNG, Carme da Silva, defenderá esta semana unha moción no pleno da Cámara...