O presidente da Asociación Provincial de Empresarios de Hostalaría de Lugo, Cheché Real, asegurou que “están a pechar moitos negocios” e que estes peches van ir en aumento. Así, estimou que “poden pechar o 60 ou 70%” dos bares de Galicia debido para os efectos das restricións pola pandemia da Covid-19.
Real volveu reivindicar que todas as administracións se “arremanguen” e “axuden” o sector. “Isto é unha ruína absoluta. É imposible aguantar un negocio desta maneira, e máis coa cantidade de traballadores que van a ir ao paro. É imposible”, lamentou o empresario lucense.
A continuación, Cheché Real esixiu que se “busque unha forma” de “condonar os créditos ICOs” e amparouse en que “se non se poden facer ingresos como se vai poder facer fronte ás débedas”. Das “pobres axudas” que recibiron, o presidente dos hostaleiros de Lugo puntualizou que apenas lles dá “para pagar algún imposto” que lles “obrigan a satisfacer as administracións”. “A situación é gravísima”, alertou.