InicioEconomíaLara Méndez, nova vicepresidenta do Eixo Atlántico

Lara Méndez, nova vicepresidenta do Eixo Atlántico

Esta xuntanza serviu para marcar o obxectivo para este 2020: a captación de talento e investimentos para fixar poboación.

PUBLICADA O

- Advertisement -

A alcaldesa de Lugo, Lara Méndez, foi elixida nova vicepresidenta do Eixo Atlántico. Así se decidiu na Asemblea Xeral celebrada en Matosinhos (Portugal), xuntanza na que se fixou un obxectivo claro para este 2020: a captación de talento e de investimentos para fixar poboación na Eurorrexión Galicia-Norte de Portugal.

A XXVIII Asemblea Xeral do Eixo Atlántico reuniu a alcaldes dos 35 municipios galegos e portugueses que a integran. Á parte de abordarse cuestións como a cohesión social ou o despoboamento, tamén se renovaron os órganos de goberno. Ademais da incorporación de Lara Méndez, foi proclamado presidente o alcalde de Braga, Ricardo Rio.

Pola súa parte, o rexedor do Barco, Alfredo García, exercerá de presidente da Mesa da Asamblea; e a alcaldesa de Matosinhos, Luisa Salgueiro, será a vicepresidenta dese órgano.

No evento aprobouse un orzamento de 3,9 millóns de euros para o presente exercicio do que o 80% estará dedicado ás actividades e proxectos que desenvolve o Eixo Atlántico. Tamén foi ratificada a incorporación das cidades de Póvoa de Varzim e Culleredo. Podes ler a información completa no Galicia Confidencial.

+ posts

ÚLTIMAS

Desaloxados varios colexios en Lugo por ameaza de bomba

A Policía Nacional levou a cabo na mañá deste mércores desaloxos en colexios galegos...

Buscan en Suíza probas da falsa médica sobre a que pesa unha orde internacional de procura

O xulgado de instancia de Lugo, sección penal, praza 2, agarda resposta das autoridades...

Frustrado un roubo nunha nave industrial en Lugo e detido un dos implicados

Axentes da Policía Nacional de Lugo detiveron un home como presunto autor dunha tentativa...

Detidas en Lugo unha nai e a súa filla por unha suposta agresión mutua

A Policía Local de Lugo detivo unha muller e a súa filla como presuntas...