InicioEconomíaDesestimada a reclamación millonaria da lucense Lácteos Casa Macán contra Capsa

Desestimada a reclamación millonaria da lucense Lácteos Casa Macán contra Capsa

Os demandantes pedían case sete millóns de euros polo incumprimento dun suposto acordo comercial, pero a asturiana Corporación Alimentaria Peñasanta (Capsa) só deberá abonar 27.000 euros correspondentes a unhas entregas de produtos lácteos pendentes de liquidar.

PUBLICADA O

- Advertisement -

O xulgado do Mercantil de Lugo ditou unha sentenza relativa á reclamación da empresa lucense Lácteos Casa Macán contra a Corporación Alimentaria Peñasanta (Capsa), pola cal lle reclamaba 6.665.334,47 euros en concepto de danos e prexuízos pola resolución dun contrato. A xuíza determinou que a pretensión de Casa Macán non pode atenderse posto que o contrato xa estaba resolto e sostén que o único que procede é establecer o saldo resultante das operacións levadas a cabo durante o período de vixencia do contrato marco, o que viría a supoñer uns 27.000 euros.

Lácteos Casa Macán, declarada en concurso voluntario en xuño de 2017, acudiu aos tribunais ante o que consideraba un suposto incumprimento de acordo comercial. Alegaba que Capsa rompera unilateralmente o contrato en base ao cal colaboraban dende o 2016. Esixía á compañía asturiana case sete millóns de euros: 3.584.281,47 euros en concepto de dano emerxente e outros 3.081.053 como lucro cesante, á parte dos intereses legais correspondentes.

NON HABÍA CONTRATO DE EXECUCIÓN

O xuízo celebrara unha vista o 13 de marzo de 2019 e a proba testifical o 27 de marzo. Agora, a sentenza, á que accedeu Europa Press, establece que a relación que unía ambas compañías era a dun contrato marco de colaboración e non un contrato de execución.

A xuíza analizou correos electrónicos entre ambas compañías e tamén tivo acceso a probas periciais. Considera que non procede esa esixencia dunha indemnización de danos e prexuízos, dado que a relación contractual xa fora resolta antes, “tanto pola vontade manifestada no seu día pola actora, como pola aceptación de dita vontade pola demandada, dado que non se superou o período de probas que, para o suposto de que isto fose satisfeito favorablemente, podería dar lugar a contratos de execución”.

Así pois, “non procede declarar a extinción ou resolución do contrato cando se interesou na demanda unha resolución por incumprimento, como tampouco estimarse a reclamación por danos e prexuízos vinculada a esa declaración de resolución”, engade.

CAPSA PAGARÁ 27.000 EUROS 

Desta forma, a sentenza establece que Capsa só ha de abonar  27.204,03 euros en concepto de liquidación do contrato marco do 1 de marzo de 2016, xa resolto extraxudicialmente. A iso habería que sumarlle os intereses legais desde a interpelación xudicial, incrementados en dous puntos desde a data da resolución xudicial.

A sentenza, con data 9 de xaneiro de 2020, aínda pode ser obxecto dun recurso de apelación ante a Audiencia Provincial de Lugo.

CAPSA ESTUDA ACCIÓNS

En calquera caso, unha vez coñecido o seu contido, desde Capsa dixeron que quedou acreditado que as manifestacións de ‘Lácteos Casa Macán’ eran “completamente infundadas, falsas e carentes de rigor e de contido”. A compañía asturiana estudará accións legais contra o administrador da empresa galega.

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...