A contía media de xubilación é de 957,76 euros en Galicia, lonxe dos 1.140,71 euros de España. Con todo, subiu un 4% en setembro. Unhas cifras que son moi superiores á pensión media dos lucenses, que segue sendo das máis baixas do Estado. Está 200 euros por baixo da media galega e case 400 por baixo da media española, segundo os datos que publica este martes o Ministerio de Traballo, Migracións e Seguridade Social. Con todo, segue estando a cola da pensión media do Estado.
O número total de pensións na Comunidade galega alcanzou as 766.086 pensións, que representan un 7,8% do total, cun incremento do 0,4% respecto de setembro de 2018. Deste xeito, Galicia mantense como a segunda comunidade coas pensións máis baixas de España, só por encima de Estremadura (827,09 euros). Está 150 euros por baixo da media española (993,11 euros).
Por provincias, a pensión media é de 887,22 euros na Coruña; 883,36 euros, en Pontevedra; 750,66 euros, en Lugo; e 729,78 euros, en Ourense. Toda a información en Galicia Confidencial.
