InicioDeportesNatxo Lezkano: "Baskonia é un dos grandes clubes de Europa"

Natxo Lezkano: “Baskonia é un dos grandes clubes de Europa”

O primeiro adestrador de Cafés Candelas Breogán adiantou que Elijah Millsap é a "única dúbida" por "problema na espalda" e Henk Norel vai "pouco a pouco" e "mellor non aventurar unha data de regreso", aínda que antonte estivo "moi ben"

PUBLICADA O

- Advertisement -

Natxo Lezkano, primeiro adestrador de Cafés Candelas Breogán, afirmou que Kirolbet Baskonia, vindeiro rival este domingo no Pazo dos Deportes de Lugo ás 17 horas na vixésimo segunda xornada da Liga Endesa, “é un dos grandes clubes de Europa, o organizador da Final Four, un equipo que leva moitos anos instalado na elite do baloncesto europeo” e o técnico breoganista colocouno “ao mesmo nivel que Real Madrid e Barça”. “É un deses partidos dos que gusta forma parte”, engadiu.

Lezkano explicou que, para gañar a Baskonia, “tes que facer tódalas cousas ben, non te podes permitir erros en ningún aspecto do xogo” e “esperar que eles non teñan o día”. “Hai que traballar para que non teñan o día”, adiantou.

O primeiro adestrador breoganista contestou que a “única dúbida” por lesión é Elijah Millsap, cun “problema na espalda”, pero “non se ve nada nas probas”. Tamén está tocado Aleksandar Cvetkovic´, cun “problema na espalda”, pero “vai bastante mellor”, así coma Sergi Vidal e Salva Arco, que “levan un tempo con problemas nun xeonllo”. En canto a Henk Norel, “hai días que vai mellor, outros días da un paso atrás” e, por exemplo, “antonte estivo moi ben”, polo que van “pouco a pouco” e “mellor non aventurar unha data de regreso”. O ala-pivote serbio Tadija Dragićević, segundo Lezkano, “di que vai mellor do esperado”, “a recuperación marcha ben” e agora mesmo fai “tiro”.

 

 

ÚLTIMAS

O BNG insta o Senado a rexeitar o proxecto de Altri tras o “clamor social” manifestado en Palas de Rei

A senadora do BNG, Carme da Silva, defenderá esta semana unha moción no pleno da Cámara...

Tres feridos nun accidente entre un turismo e un camión en Vilalba

Tres persoas resultaron feridas este luns nun accidente de tráfico rexistrado na autovía A-8...

Paula Alvarellos reactiva os contactos co IGVS sobre os proxectos de Casa Torre, Dona Urraca e O Castiñeiro

A alcaldesa de Lugo, Paula Alvarellos, retomou as conversacións co Instituto Galego de Vivenda e Solo para avanzar...

Destinaranse tres millóns de euros ó proxecto de reforma do estadio Anxo Carro

A Xunta de Galicia espera licitar en xaneiro de 2025 a obra de reforma...