Suso Lázare, presidente de C.B. Breogán, presentou a campaña de abonados para a tempada 2018-2019.

Lázare explicou que o obxectivo é “fidelizar” aos abonados habituais e “captar a un número importante”. Opinou que son “prezos non excesivamente caros”. “É máis, eu diría ben axustados”, engadiu. Respondeu que contan con 2900 abonados e gustaríalles chegar a “4000”.

Comentou que “non” chegan “a dobrar en ningunha cantidade” con respecto aos prezos da tempada pasada. Engadiu que haberá, “como máximo, dous medios días do club” con “dez-doce euros as entrada sénior máis cara”, aínda que esta cuantía “non está pechada”. Afirmou que, “por primeira na historia do club, o pabellón terá asento fixo, individual e personalizado”. Ademais, durante o mes de xuño, os abonados da tempada pasada terán un cinco por cento de desconto ata o 30 de xuño para reservar asento ou cambiar a un que está libre. Poderanse realizar un máximo de catro pagos por adiantado ata o comezo de liga. Cada un destes pagos, deberá ser dun mínimo do dez por cento do prezo do abono total.

O presidente breoganista subliñou que haberá unha “grada máis asequible”, que serán os dous fondos. Tamén adiantou que haberá un “desconto lineal” para familias.

Doutra banda, instáurase a figura do “Baby Breo” por dez euros para nenos ata catro anos de idade.

Gráfico de cbbreogan.com