InicioDeportesSergi Vidal: "A miña experiencia está ao servizo do club para todo"

Sergi Vidal: “A miña experiencia está ao servizo do club para todo”

O escolta catalán afirmou que a súa fichaxe "foi cuestión de horas" e explicou que "amosaron en todo momento moito interese"

PUBLICADA O

- Advertisement -

O escolta Sergi Vidal foi presentado este mediodía coma novo xogador do Club Baloncesto Breogán.

Sergi Vidal afirmou que a fichaxe “foi cuestión de horas” e explicou que, “no verán, o Breogán mostrara interese” para contratalo e “amosaron en todo momento moito interese”. Lembrou que no Joventut de Badalona tiña “unha situación complicada onde non contaba con minutos”. “Adestrara duro en verán e sentíame ben”, asegurou. O escolta, de 37 anos e 1.99 metros de estatura, declarou que quere “desfrutar mucho e facer desfrutar co equipo”. Reivindicou que “o equipo ten calidade dabondo para acadar vitorias”. Amosouse “súperilusionado” nesta nova etapa. “A miña experiencia está ao servizo do club para todo, para a pista, para o vestiario, para os xoves, para tódalas partes que conleva ser un xogador profesional”.

Sobre a súa situación física (non competiu nos dous últimos partidos amigables), contestou que lle “apetece moito xogar”, mais “non” van “arriscar máis da conta”. A primeira xornada da Liga Endesa é contra o Club Joventut de Badalona, o seu equipo procedente, e comentou que “sempre xogar contra ex equipos é especial”.

O Breogán busca un sustituo do pívot Henk Norel, lesionado. Jerome Jordan, ex compañeiro de Vidal no Joventut, é a primeira opción. Vidal respondeu que “sería unha gran incorporación”. “A moitos xogadores na súa primeira tempada en Liga ACB custaralles adaptarse. É un xogador que xa estivo en equipos ACB e esa adaptación xa a terían feita”, reflexionou.

 

 

ÚLTIMAS

A irmá da muller asasinada en 2016 polo “mal funcionamento” da Casa da Muller de Lugo recorrerá ao TSXG

Martina Gómez Nieto, irmá da muller asasinada polo seu esposo no municipio de Becerreá...

Investigan a un menor de 14 anos que conducía un coche sen carné en Vilalba

Un menor de 14 anos foi interceptado en Vilalba conducindo un cuadriciclo lixeiro sen permiso...

Desaloxados os veciños dun edificio de Lugo tras rexistrarse un incendio nunha das vivendas

Os veciños dun edificio situado na rúa Sanxillao de Lugo tiveron que ser desaloxados...

Descubertos varios sitios arqueolóxicos nos Ancares

O Colectivo Patrimonio dos Ancares comunicoulle á Xunta de Galicia a localización de varios...