O lucense Sergi Quintela xogará cedido en Força Lleida

O escolta lucense prorrogou o seu contrato co Club Baloncesto Breogán como paso previo á súa cesión

Sergi Quintela. Foto de Club Baloncesto Breogán.

O escolta lucense Sergi Quintela xogará cedido en Força Lleida, equipo de LEB Ouro. Antes, renovou o seu contrato co Club Baloncesto Breogán, no que milita dende 2016 e onde foi decisivo a tempada pasada no ascenso á Liga ACB. Tiña contrato ata 2019 e renova ata 2020.

En Força Lleida, xogará co seu amigo o base lucense Adrián Chapela.

Sergi Quintela, de 22 anos, promediou 6.1 puntos, 1.7 rebotes, 1.4 asistencias e 1.1 recuperacións a tempada pasada.

Quintela formouse no Estudiantes Lugo e xogou no Xuven Cambados, en LEB Prata, entre 2014 e 2016. En ámbolos dous equipos, foi compañeiro do citado Adrián Chapela.

DEIXAR UN COMENTARIO

Please enter your comment!
Please enter your name here